qer202019
Psoriaza dhe inflamimi nga mosha. Unifarco Biomedical krijon novacionin për barrierën e lëkurës
Një kompleks hidrolipidik dhe isopalmide (endokanabinoid), që janë në gjendje të reduktojnë deskuamimin dhe trashjen e lëkurës, duke vepruar mbi çekuilibrimet e lëkurës me psoriazë dhe duke kontrastuar inflamimin e kruarjen, janë prezantuar me rastin e Kongresit të 24-tërt Botëror të Dermatologjisë, në Milano. Dy markat janë prezantuar nga sektori i Unifarco Biomedical që i kushtohet kërkimit shkencor mbi barrierën e lëkurës dhe janë zhvilluar për një pajisje mjekësore novatore që ka "treguar efikasitet në menaxhimin e integruar të psoriazës dhe inflamimit nga mosha".
"Në psoriazë, shpjegon Alessandra Semenzato (Profesore e Kimisë së Produkteve Kozmetike në Departamentin e Shkencave Farmaceutike të Universitetit të Padovës), ndryshimi i barrierës në lezionet psoriatike, kur ka mungesë ceramidesh epidermike, mund të luajë një rol vendimtar. Prandaj riparimi i barrierës ka një rëndësi thelbësore".
Shënimi i kompanisë sqaron se "CSU është një përzierje e molekulave të lipideve me aftësinë për të ristrukturuar barrierën psoriatike: një situatë simil-psoriatike u simulua in vitro për të demonstruar efektivitetin e Cerapsorit (pajisje mjekësore e lindur nga përvoja e Unifarco Biomedical në saje të patentës CSU), në krahasim me produkte të tjera të ngjashme. Studimi tregoi aktivizimin e biomarkuesve specifikë që përmirësojnë ndjeshëm Filagrinën dhe Lorikrinën. Veçori, krahasuar me formulimet e tjera, është që CSU synon të punojë drejtpërsëdrejti në përforcimin e barrierës epidermike".
Në frontin e inflamimit nga mosha (inflam-agging), vazhdon shënimi, isopalmide, një endokanabinoid i ri sintetik, është i aftë për të moduluar faktorin bërthamor NF-kB, një nga ndërmjetësit kryesorë të procesit inflamator, efikasiteti i të cilit është demonstruar nga një studim i kohëve të fundit. Endokanabinoidet janë quajtur kohët e fundit si kozmetikë aktivë interesantë në rregullimin e inflamimit nga mosha, të njohur për përfshirjen në shumë manifestime të plakjes, mes të cilave edhe në plakjen e lëkurës: një temë që është më e rëndësishme se kurrë.
"Inflamacioni nga plakja, nënvizon Edoardo Zattra (përgjegjës i Klinikës së Dermatologjisë në Spitalin "Sant'Antonio" në Padova) mund të gjenerojë dëme të konsiderueshme për qelizat dhe indet, duke përfaqësuar kështu një faktor rreziku për shumë sëmundje kronike".