mar202020
EMA: Të bëhet testi para përdorimit të barnave që përmbajnë fluorouracil, capecitabine, tegafur e flucytosine
Komiteti për Vlerësimin e Rreziqeve për Farmakovigjilencën në EMA (PRAC) ka rekomanduar që te pacientët të verifikohet mungesa e një enzime të quajtur dihydropyrimidine dehydrogenase (DPD) para nisjes së trajtimit anti-kancer me barna që përmbajnë fluorouracil, që administrohen nëpërmjet injeksionit, infuzionit (iv) dhe barnave që përmbajnë capecitabine e tegafur, të cilët transformohen në fluorouracil në organizëm.
Pacientëve me një mungesë të plotë (të njohur) të DPD-së nuk duhet t'u jepet fluorouracil, si injeksion ose infuzion, ashtu si edhe capecitabine ose tegafur, pasi një mungesë e plotë e DPD-së i vë ata në rrezik më të lartë për efekte anësore të rënda dhe në rrezik për jetën.
Për pacientët me mungesë të pjesshme të DPD-së, duhet të merret në konsideratë një dozë fillestare e zvogëluar e këtyre barnave; meqenëse efektiviteti i një doze të reduktuar nuk është vendosur, dozat mund të rriten nëse nuk ka efekte anësore serioze. Monitorimi i rregullt i niveleve të fluorouracilit në gjakun e pacientëve që marrin fluorouracil me infuzion të vazhdueshëm, mund të përmirësojnë rezultatin e trajtimit.
Nga momenti që trajtimi me flucytosine (një tjetër medikament i lidhur me fluorouracil) për infeksionet fungale të rënda, nuk duhet vonuar, pacientët nuk është e nevojshme të testohen për deficit të DPD-së para se të nisë trajtimi.
Nuk janë të nevojshme teste para trajtimit për pacientët e trajtuar me fluorouracil lokal (që aplikohet në lëkurë, për të trajtuar patologji të ndryshme të saj).
Burimi: Agjencia Evropiane e Barnave