qer62023
Medikamenti për disfunksionin erektil, mund të ndihmojë në diabet
Tadalafili, një medikament i përdorur për disfunksionin erektil, kur administrohet në doza të larta përmirëson kontrollin metabolik te pacientët me diabet të tipit 2 (T2D). Në këtë përfundim ka arritur një studim i botuar në "e-Clinical Medicine" dhe i nënshkruar nga Per-Anders Jansson nga Universiteti i Goteborgut në Suedi.
"Inhibitorët e fosfodiesterazës-5 (PDE-5) si tadalafili janë një klasë barnash që përdoren ndër të tjera, për trajtimin e disfunksionit erektil dhe hipertensionit pulmonar, edhe pse studimet e mëparshme kanë sugjeruar se ai ka gjithashtu efekte kardioprotektive dhe efekte të dobishme metabolike në sindromën metabolike", thuhet në artikull.
Duke pasur parasysh mungesën aktuale të të dhënave mbi veprimin frenues të PDE-5 te pacientët me T2D, autorët supozuan se një përmirësim i funksionit endotelial dhe mikroqarkullimit të shkaktuar nga tadalafili me doza të larta mund të zvogëlojë rezistencën periferike ndaj insulinës. Prandaj MAKROTAD, një studim pilot i fazës 2 i kontrolluar me përzgjedhje rastësore në të cilin u përfshinë 23 subjekte me T2D të trajtuar me tadalafil 20 mg ose placebo një herë në ditë për gjashtë javë me një washout të ndërmjetëm prej dy muajsh.
"Nga ana tjetër, medikamenti nuk kishte asnjë efekt në rezistencën ndaj insulinës, por uli gliceminë të matur si HbA1c, duke përmirësuar gjithashtu shënjuesit hepatik të steatozës dhe glikolizës. Dhimbja e muskujve, dispepsia dhe dhimbja e kokës ishin më të shpeshta në grupin e tadalafilit sesa në grupin e placebos, por pa dallime për efektet anësore serioze.
"Doza e lartë e tadalafilit nuk ul rezistencën periferike ndaj insulinës, por rrit mikroqarkullimin dhe shkakton efekte pozitive në mëlçi dhe metabolitët e ndërmjetëm, paralelisht me përmirësimin e kontrollit metabolik të matur si HbA1c përballë tolerueshmërisë së moderuar të dozës së lartë", përfundojnë studiuesit.
e-Clinical Medicine 2023. Doi: 10.1016/j.eclinm.2023.101985
https://doi.org/10.1016/j.eclinm.2023.101985