Tumori i gjirit. Astrazeneca dhe Daiichi Sankyo firmosin marrëveshjen për barin e ri

tags: barna të reja, Kanceri i Gjirit, Kanceri kolorektal, tumor

Artikuj lidhur

08-11-2021 | AIFA miraton biosimilarin bevacizumab. Indikacionet dhe formulimet mbeten të pandryshuara

20-01-2021 | Androgjenet, një kurë e mundshme për kancerin e gjirit, pozitiv ndaj receptorëve të estrogjeneve

08-12-2020 | Kanceret për të cilët aprovohen më shumë barna të reja, shkaktojnë më pak viktima

AstraZeneca dhe Daiichi Sankyo kanë bërë të ditur firmosjen e një marrëveshjeje për eksperimentimin dhe tregtimin e Ds-8201.

Një marrëveshje për ndarjen e kostove të zhvillimit dhe më tej, të shpërndarjes (jashtë Japonisë, territori në të cilin partneri do të ruajë të drejtat ekskluzive), sanksionuar nga pagesa paraprake prej 1,35 miliardë dollarësh në një shumë të përgjithshme prej rreth 6,9 miliardësh. Kjo është përmbajtja e paktit të bashkëpunimit të sigluar nga Astrazeneca dhe Daiichi Sankyo, prodhuese e barit eksperimental Ds-8201, për kurimin e tumorit të gjirit.

Siç thuhet në notën zyrtare, trajtimi për tumorin e gjirit Ds-8201 synon proteinën Her2, faktor që shkakton rritjen e pakontrolluar të qelizave: bëhet fjalë për një "antitrup anti HER2 të humanizuar me të cilin është lidhur, nëpërmjet një ligande me bazë tetrapeptidi, një ngarkesë citotoksike, që është inhibitor i ri i topoizomerazës I" dhe është projektuar "për të kryer në mënyrë të synuar dhe për të administruar kimioterapinë në brendësi të qelizave tumorale, duke reduktuar kështu, krahasuar me mekanizmat e terapisë së përbashkët, ekspozimin sistemik ndaj ngarkesës citotoksike".

Bari i konjuguar me antitrupa (Adc), i cili ka arritur fazën vendimtare të zhvillimit, paraqet rezultate jo vetëm në trajtimin e tumoreve her2-pozitive, të tilla si kanceri i gjirit dhe stomakut, por edhe në terapinë për karcinomën pulmonare jo me qeliza të vogla (Nsclc) dhe në kancerin e mushkërive.
Zhvillimi dhe shitja do të zhvillohen së bashku, me një ndarje të barabartë të shpenzimeve dhe të ardhurave, me përjashtim të Japonisë, e cila është ekskluzivitet për kompaninë Daiichi Sankyo. Kompania farmaceutike japoneze ka njoftuar gjithashtu se ka ndërmend të përshpejtojë kërkesën për miratimin e FDA-së, në gjysmën e parë të vitit fiskal 2019.

"Ky medikament është krenaria e rrjetit tonë onkologjik, të krijuar nga hulumtimet e vazhdueshme në fushën shkencore dhe teknologjike, të cilat janë pikat më të forta të kompanisë sonë", shpjegon George Nakayama, President dhe Drejtor Ekzekutiv i Daiichi Sankyo. "Përmes bashkëpunimit strategjik me kompaninë AstraZeneca, e cila ka përvojë të madhe globale dhe ekspertizë në onkologji, do të kombinojmë burimet tona për të maksimizuar vlerën e barit dhe për të përshpejtuar rritjen e biznesit global onkologjik. Synojmë që sa më shpejt, të ofrojmë mundësi të reja trajtimi në një gamë më të gjerë kanceresh, duke fuqizuar kështu kontributin tonë për pacientët onkologjikë dhe familjet e tyre në mbarë botën".

Për Pascal Soriot, CEO në Astrazeneca, bari mund të përfaqësojë "një opsion të ri terapeutik për trajtimin e karcinomave mamare dhe gastrike Her2-pozitive. Për më tepër, ky ADC ka potencialin për të ripërcaktuar trajtimin e linjës së parë të karcinomës mamare me shprehje të ulët të HER2 dhe për trajtimin e tumoreve të tjera me mutacionin ose mbishprehjen e Her2, përfshi tumorin pulmonar dhe kolorektal. Jemi krenarë që po punojmë me Daiichi Sankyo, me të cilën bashkëpunojmë prej kohësh, në fusha të tjera terapeutike".