shk52019
CHMP-ja i hap rrugë hedhjes në treg të gjashtë barnave të reja. Ja, cilat janë ato...
Fremanezumab (Ajovy) për profilaksinë e migrenës dhe dacomitinib (Vizimpro) për trajtimin e karcinomës pulmonare jo me qeliza të vogla, e përparuar lokalisht ose metastatike. Këta janë dy nga gjashtë barnat për të cilat CHMP-ja ka rekomanduar aprovimin në nivel europian, gjatë mbledhjes së fundit, në janar të vitit 2019. Këtyre u shtohen edhe dy barna biosimilare për trajtimin e disa çrregullimeve inflamatore dhe autoimune që kanë marrë opinionin pozitiv të komitetit: Idacio (adalimumab) dhe Kromeya (adalimumab).
CHMP-ja ka rekomanduar dhënien e autorizimeve për hedhjen në treg të dy barnave gjenerike: Atazanavir Krka (atazanavir), për trajtimin e infeksionit nga HIV-1 te të rriturit dhe te fëmijët gjashtë ose më shumë vjeçarë dhe Febuxostat Krka (febuxostat), për parandalimin dhe trajtimin e hiperurikemisë. Komiteti ka rekomanduar gjithashtu zgjerimin e indikacioneve për barnat: Edistride, Forxiga, Hemlibra, Keytruda, Mabthera, Maviret, Orencia, Praluent dhe Tecentriq. CHMP-ja ka rekomanduar një zgjerim të indikacionit për medikamentin Forxiga dhe dublikatin e tij, Edistride, për të përfshirë për të parën herë trajtimin shtesë me insulinë për disa pacientë me diabet të tipit 1.
CHMP-ja ka nisur rishikimin e një studimi mbi antikoagulantët oralë të drejtpërdrejtë Eliquis (apixaban), Pradaxa (dabigatran etexilato) e Xarelto (rivaroxaban). Ky studim vëzhgues ka vlerësuar rrezikun e hemorragjive madhore me këto barna, kur përdoren për të parandaluar koagulimin e gjakut për pacientët me fibrilacion atrial jo valvular (kontraksione të çrregullta dhe të shpejta të zemrës), krahasuar me antikoagulantë të tjerë oralë. Rishikimi do të vlerësojë nëse rezultatet e të studimit kanë implikacione në përdorimin e barnave.