mar52019
EMA miraton tetë barna, dy për sëmundje të rralla. Takimi i fundit në Londër
Tetë barna të reja, mes të cilave edhe dy për trajtimin e sëmundjeve të rralla, janë rekomanduar nga Komiteti i Produkteve Mjekësore për Njeriun (CHMP) i Agjencisë Europiane të Barnave (EMA) gjatë takimit të muajit shkurt, i cili ishte edhe takimi i fundit i mbajtur në zyrën e Londrës. Që nga marsi i vitit 2019, të gjitha takimet do të mbahen në selinë e re të përkohshme të Amsterdamit.
Sa iu përket barnave jetime, është autorizuar hedhja në treg e medikamentit volanesorsen, i pari për trajtimin e chylomicronemi-së, një sëmundje e rrallë gjenetike që nuk e lejon trupin të luftojë yndyrnat. Përveç kësaj, opinion pozitiv është dhënë për pegvaliase-n për pacientët e moshës 16 vjeç e sipër e me phenylketonuri, një sëmundje metabolike e trashëguar, potencialisht serioze.
Sa i përket fushës onkologjike, CHMPA-ja ka dhënë aprovimin e saj për lorlatinibin, për trajtimin e pacientëve me kancer të mushkërive jo me qeliza të vogla, të avancuar (me limfomë anaerobe të bazuar në limfomën anaplastike) dhe për paclitaxel-in gjenerik, për trajtimin e kancerit të gjirit metastatik dhe të karcinomës pulmonare jo me qeliza të vogla.
Komiteti rekomandoi autorizimin e hedhjes në treg për andexanet alfa, si një antidot për pacientët e rritur që marrin antikoagulantë, kur është e nevojshme një përmbysje e veprimit të tyre për shkak të gjakderdhjes së pakontrolluar. Një opinion pozitiv edhe për sotagliflozinën, si ndihmëse e insulinës për disa pacientë me diabet të tipit 1 dhe për risankizumabin, për trajtimin e psoriazës së moderuar dhe të rëndë.
Së fundmi, është ndezur drita jeshile për zanamivirin, për trajtimin e gripit me komplikacione. Ndër medikamentet që tashmë janë në treg, rekomandohet gjithashtu një zgjatje e indikacionit për dupilumabin, si terapi mbajtëse shtesë për astmën e rëndë te pacientët 12 vjeç e sipër.