sht32018
FDA-ja aprovon barin e parë për trajtimin e keratitit neurotrofik
FDA-ja ka aprovuar cenegermin-ën, për trajtimin e keratitit neurotrofik, një sëmundje e rrallë, që godet kornenë. Bëhet fjalë për trajtimin e parë topik bioteknologjik në fushën okulistike dhe trajtimin e parë të autorizuar në bazë të faktorit nervor të rritjes (NGF).
Në bazë të cenegermin-ës qëndrojnë dhjetëra kërkime italiane, duke nisur nga studimet e Rita Levi Montalcinit që zbuloi NGF-në së bashku me Stanley Cohen-in, për t'i shtuar më tej bashkëpunimet mes Dompé-së dhe qendrave të ekselencës në oftalmologji, në nivel ndërkombëtar.
"Cenegermina u zhvillua falë bashkëpunimit të vazhdueshëm me një komunitet shkencor të ekselencës që ka kontribuar në zhvillimin e barit në faza të ndryshme, në qendra kërkimore në nivel ndërkombëtar, ka konfirmuar Sergio Dompé, President dhe Administrator i Deleguar i farmaceutikës Dompé. Është bari ynë i parë bioteknologjik i përfituar falë punës së një skuadre që me kompetencë dhe pasion ka besuar që nga fillimi në këtë projekt. Një udhëtim i gjatë, i ndërlikuar, por entuziazmues, që nuk përfundon, por që nis me këtë hap të rëndësishëm rregullator. Jemi krenar që mund t'u ofrojmë edhe pacientëve në Shtetet e Bashkuara, një solucion terapeutik në një patologji për të cilën deri më sot, nuk ka patur trajtim".