mar122024

Ethet tropikale. Më shumë kontrolle dhe dezinfektim në porte dhe aeroporte. Hipoteza e testit të shpejtë

Artikuj lidhur

21-12-2023 | Shurupet e kontaminuara. OBSH jep përsëri alarmin për kontrolle të reja në vende të tjera

11-09-2023 | Riniti, rinosinusiti kronik dhe astma. Terapitë bimore që reduktojnë inflamacionin

25-05-2021 | Për kë është i nevojshëm kontrolli i hipertensionit? Studimi jep përgjigje

Zyrat e Shëndetit Detar, Ajror dhe Kufitar po rrisin kontrollet në porte dhe aeroporte  me qëllim intensifikimin e gjurmimit të mushkonjës Aedes aegypti, vektor i etheve tropikale, për të parandaluar hyrjen e saj në Itali. Sipas asaj që parashikojnë agjencitë e shtypit, duhet të mbërrijë një qarkore e re nga Drejtoria e Parandalimit në Ministrinë së Shëndetësisë, e cila përditëson atë të rreth një muaji më parë që kishte tërhequr vëmendjen dhe  një ndër hipotezat është edhe eksperimentimi i një testi të shpejtë në aeroport për ata që mbërrijnë nga zonat me rrezik.

Më shumë kontrolle dhe dezinfektime
Duhet të parashikohet një shtim i dezinfektimeve të mjeteve ajrore dhe të anijeve, përfshirë edhe ato të kruazierave.
Në Itali, për vitin 2023 u regjistruan 362 raste me ethe tropikale, nga të cilat 82 ishin autoktone. "Për vitin 2024 në vend, u identifikuan 48 raste të konfirmuara me ethe tropikale më 21 shkurt 2024 dhe të gjitha janë të rëndësishme. Në kuadër të tablosë së ilustruar, mund të them që situata në Itali sot nuk rezulton alarmante", u shpreh ministri i Shëndetësisë Orazio Schillaci.
Ethet tropikale janë një sëmundje virale e përhapur kryesisht në rajonet tropikale dhe subtropikale të botës. Sipas një vlerësimi, pothuajse gjysma e popullsisë botërore jeton në zona me rrezik infektimi. Edhe pse kjo sëmundje njihet prej më shumë se dy shekujsh, dekadat e fundit është konstatuar një shtim i përhapjes së saj. Aktualisht, po regjistrohen një sërë vatrash epidemike nëpër botë, sidomos në Amerikën Qendrore dhe Jugore, në disa rajone të Afrikës dhe në Azinë Juglindore. Megjithatë, së fundmi kanë rezultuar vatra më të kufizuara edhe në Evropë dhe SHBA. Ethet tropikale janë shkaktuar nga një familje prej katër virusesh të ngjashme me njëri-tjetrin: Den-1, Den-2, Den-3 dhe Den-4. Transmetimi ndodh kryesisht përmes pickimit nga një mushkonjë e infektuar (sidomos të species Aedes aegypti, por edhe të Aedes albopictus).