maj122023
Boronica e kuqe, një medikament natyral për parandalimin e infeksioneve urinare
Boronica e kuqe në formë lëngu, tablete ose kapsule mund të ndihmojë në reduktimin e infeksioneve të traktit urinar (UTI), sipas një rishikimi të ri që analizoi rezultatet e 50 studimeve të kontrolluar me përzgjedhje rastësore. Efektiviteti i produkteve me bazë boronicë në parandalimin e infeksioneve urinare është diskutuar prej kohësh, por proantocianidinat (një klasë e polifenoleve që gjenden në fruta, lule, fara dhe lëvore të shumë specieve botanike) të pranishme te frutat, se pengojnë transplantimin e bakterit Escherichia coli në qelizat uroteliale që veshin fshikëzën. Për këtë arsye, këto produkte janë përdorur prej disa dekadash për të parandaluar infeksionet e traktit urinar.
Dozat e rekomanduara
Sipas Shoqatës Franceze të Urologjisë, doza efektive duhet të jetë 36 mg proantocianidine (PAC) në ditë për profilaksinë e cistitit të përsëritur. Autoriteti i Lartë i Shëndetësisë në Francë ka rekomanduar të njëjtën dozë për parandalimin e cistitit të përsëritur E. coli në rekomandimet e tij të publikuara në vitin 2021. Përditësimi i kësaj analize konfirmon dobinë terapeutike të këtyre produkteve. Rishikimi i rezultateve të 50 studimeve (përfshirë 45 të krahasuar me placebo ose pa trajtim) me 8,857 pjesëmarrës gjithsej, tregon se marrja e produkteve të boronicës së kuqe zvogëlon rrezikun e përsëritjes së infeksioneve të traktit urinar me më shumë se 25% te gratë, dhe përveç kësaj 50% te fëmijët dhe rreth 53% te njerëzit pas që kanë kryer një ndërhyrje kirurgjikale ose i janë nënshtruar radioterapisë.
Edhe pse, sipas analizës nuk është e qartë nëse efikasiteti ndryshon midis lëngut të boronicës së kuqe, tabletave ose midis dozave të ndryshme të administruara të PAC-ve, pasi siguria e provave vazhdon të jetë shumë e ulët. Për më tepër, të gjitha provat e disponueshme aktualisht nuk e mbështesin përdorimin e këtyre produkteve te të moshuarit, pacientët me probleme urinare ose te gratë shtatzëna.
Cristoforo Zervos