pri202021
Covid-19. ASA për parandalimin e pneumonisë së rëndë. Studimi italian, në zhvillim e sipër
AIFA dhe Instituti Spallanzani kanë aprovuar një eksperimentin të promovuar nga Universitetet e Veronës dhe Milanos mbi përfitimet e mundshme të përdorimit të acidit acetilsalicilik për të parandaluar pneumoninë e rëndë nga Sars-Cov2 te pacientët e shtruar në spital. Edhe pse sëmundja fillimisht shfaqet si formë respiratore, tromboza është një shenjë dalluese e rasteve më të rënda dhe kritike të Covid-19.
Shkencëtarët në të gjithë botën po përpiqen të kuptojnë nëse barnat me efekt antitrombocitar, siç është acidi acetilsalicilik i aspirinës, mund të luajnë një rol të rëndësishëm në parandalim. Studimi, i cili do të zgjasë 90 ditë, do të zhvillohet në spitalin universitar në Verona dhe në spitalin San Paolo në Milano dhe do të përfshijë pacientë të shtruar në spital me manifestime jo serioze të infeksionit, me qëllim parandalimin e përkeqësimit të tij. Bari do të administrohet në dozimin 100 mg në ditë, për të kontrolluar nëse, duke frenuar veprimin e trombociteve, mund të parandalojë përkeqësimin e sëmundjes.
"Hipoteza që qëndron në themel të studimit klinik që po përgatitet të nisë, shpjegojnë koordinatorët, është se në kontekstin e Covid-19, trombocitet aktivizohen me një mekanizëm të varur nga inflamacioni. Profilaksia antitrombotike me doza të ulëta të acidit acetilsalicilik, e vendosur herët te pacientët me pneumoni jo të rëndë klinike të shtruar në pavijone të zakonshme spitalore, mund të ulë incidencën e trombozës pulmonare dhe, për pasojë, të dëmit respirator dhe shumë-organor, duke ndihmuar në përmirësimin e rezultatit klinik nga virusi Sars-Cov2. Sa më i hershëm të jetë fillimi i trajtimit krahasuar me shtrimin në spital dhe për këtë arsye me shfaqjen e pneumonisë, aq më i madh duhet të jetë përfitimi i pritshëm, përfundojnë ata.