mar112020
Coronavirusi. Plot 35 vaksina kandidate
"Deri më tani, 35 vaksina kandidate kundër Covid-19 në të gjithë botën, ndërkohë që ishin rreth dhjetë më pak vetëm disa javë më parë". Këtë e ka thënë për "Adnkronos Salute" Massimo Scaccabarozzi, president i Farmindustria-s.
"Falë një rrjeti ndërkombëtar, kujton ai, po vrapojmë, në kuptimin e parë të fjalës dhe mendoj se të kesh 35 vaksina kandidate nuk është pak. Ekzistojnë gjithashtu 14 kompani aktive në testimin e vaksinave, barnave të reja ose produkteve ekzistuese që testohen kundër coronavirusit të ri ".
Kostoja e një vaksine është rreth 900 milionë €, një shifër e ofruar nga Vaccines Europe, e cila bazohet në çmimin mesatar për zhvillimin e një serumi. Ndërsa përsa i përket një antivirali të ri hipotetik, për të cilin duhet të fillojmë të hulumtojmë nga e para, kostoja është më e lartë dhe shkon rreth 2 miliardë euro". Ky çmim ulet në rastin e "produkteve të përdorura tashmë për indikacione të tjera, siç janë "koktejlet", që po përdoren edhe për pacientët italianë. Nëse rezultojnë efektive, ata do të duhet të riprodhohen në shkallë të gjerë, por do të jenë të përdorshme menjëherë dhe për disa prej tyre, tashmë patenta ka skaduar", prandaj kostoja do të zvogëlohej edhe më shumë.
"Ne jemi një sektor shumë i rëndësishëm për të lejuar ndërprerjet: luajmë një rol shoqëror, prodhojmë barna dhe marrim përgjegjësinë për të garantuar që do të vazhdojmë ta bëjmë, si për pacientët me Covid-19, ashtu edhe për të tjerët. Natyrisht, do të vazhdojnë edhe pse me disa vështirësi të pamohueshme, studimet për barna të reja dhe aktivitetet shkencore të informacionit që na japim mundësi të kemi një shkëmbim me mjekët, mbi produktet tona. Planet e urgjencës dhe vazhdimësisë janë aktivizuar në secilën prej këtyre zonave", shtoi Scaccabarozzi.