kor22018
Melanoma. FDA-ja aprovon terapinë e re të kombinuar
FDA-ja ka aprovuar kombinimin e encorafenibit dhe të binimetinibit në trajtimin e pacientëve me melanomë të paoperueshme apo metastatike dhe me BRAF të ndryshuar, që kanë dalë nga një test i aprovuar po nga FDA-ja.
Këtë e ka deklaruar vetë enti rregullator amerikan në një komunikatë në të cilën nënvizon se aprovimi bazohet në studimin e fazës së tretë, COLUMBUS në të cilin janë përfshirë 921 pacientë, që janë mbajtur nën kontroll për një periudhë mesatare prej 36,8 muajsh.
Eksperimentimi, në realitet, ishte i ndarë në dy pjesë dhe rezultatet e përditësuara të pjesës së parë, janë prezantuar në ASCO-n e këtij viti.
Në testet e zhvilluara te 577 pacientë, përzierja e dy produkteve, krahasuar me përdorimin individual të njërit prej dy barnave, ka treguar se ka sjellë një mbijetesë prej mesatarisht 33.6 muajsh, përkundër 14.8 tek ata që merrnin vetëm njërin prej barnave.
Sa i përket periudhës pa përsëritje neoplastike, kombinimi farmakologjik ka arritur një mesatare prej 14.9 muajsh "të lirë", përkundër 7.3 muajsh për ata që përdornin një produkt të vetëm.
"Pavarësisht përparimeve të fundit, trajtimesh efikase dhe të toleruara mirë për pacientët me melanomë të karakterizuar nga mutacioni i gjenit BRAF, kishte mbetur një nevojë e paplotësuar", ka deklaruar Keith Flaherty (Spitali i Përgjithshëm i Masaçusetsit në Boston). "Tani, mjekët dhe pacientët kanë një opsion të ri, që ka treguar se e vonon përparimin e sëmundjes, përmirëson mbijetesën e përgjithshme dhe zakonisht, tolerohet mirë".