Tjetër arrestim në "Omega Pharma"

Artikuj lidhur

03-05-2023 | Agjencia e Barnave dhe e Pajisjeve Mjekësore. Shërbimi online lehtëson distributorët farmaceutikë

23-02-2023 | EMA nis të hetojë barnat që përmbajnë pseudofedrinë. Agjencia e Barnave në Shqipëri: Nuk kemi pasur raportime. Presim vendimet e EMA-s

11-09-2020 | AKBPM, ambiente dhe laboratorë të rinj. Tritan Shehu: po fshehin “masakrën” në farmaceutikë, duke e lyer me bojë

Mëngjesin e sotëm është vënë në pranga administratori i kompanisë farmaceutike "Omega Pharma" dhe një agjent doganor i Drejtorisë së Përgjithshme të Doganave në Tiranë. Kalimi i dy kamionëve me vitamina dhe omega 3 pa paguar detyrimet doganore, ka çuar në arrestimin e 75-vjeçarit Fatos Çausholli, njëkohësisht i ati i Nadir Çaushollit, ish-pronar i Omega Pharma (aktulisht i burgosur për skandalin e rimbursimit të barnave) dhe Mirlind Berberi, me detyrë agjent doganor në doganën e Tiranës.

Operacioni "Vitamina" i realizuar nga Drejtoria e Antikontrabandës dhe Hetimit në Drejtorinë e Përgjithshme të Doganave në bashkëpunim me Seksionin e Krimit Ekonomik e Financiar zbuloi se kompania farmaceutike kishte sjellë nga Maqedonia në Shqipëri dy kamionë me barna duke shmangur detyrimin doganor me vlerë 40 milionë lekë.
Ndërsa për administratorin e Omega Pharmës është ngritur akuza e "Kontrabandës me Mallra te Tjera", për 32-vjeçarin Berberi është ajo e "Shpërdorimit të Detyrës" pasi ka ndihmuar në mosdeklarimin e detyrimit doganor.
Në nëntor të 2015 policia arrestoi pronarin e Omega Pharma dhe 12 adminitratorë farmacish, punonjës të FSDKSH dhe farmacistë të cilët u akuzuan për mashtrim me rimbursimin e barnave me anë të recetave fiktive.