sht192018

Eriona Gjinukaj, emërohet Shefe Operacionale në ndërmarrjen biofarmaceutike Dompé

Artikuj lidhur

07-09-2018 | Fasciti nekrotizues. FDA-ja sinjalizon se rrezikun e shtojnë frenuesit e SGLT2

11-07-2018 | Ndërmarrjet farmaceutike korruptojnë më shumë se gjysmën e konsulentëve të FDA-së

09-04-2024 | Depresioni. FDA miraton terapinë e re digjitale

Eriona Gjinukaj është emëruar Shefe Operacionale në ndërmarrjen biofarmaceutike Dompé. Tridhjetë e tetë-vjeçarja me origjinë shqiptare, nënë e dy fëmijëve, pas diplomimit në Ekonomi Biznes pranë universitetit "La Sapienza" në Romë, i ka plotësuar studimet e saj me një MBA në Universitetin Politeknik të Milanos.

Në vitin 2005, ajo është futur në Bain & Company, ku ku ka fituar një ekspertizë të konsoliduar dhe të njohur ndërkombëtarisht, në sektorin e kujdesit shëndetësor.

Eriona Gjinukaj është ngarkuar me detyrën e rëndësishme të udhëheqjes së projektit të ndërkombëtarizimit të kompanisë, të fokusuar në fushën e bioteknologjisë, që ka nisur tashmë me zyrat në Gjermani, Francë dhe Spanjë. Së fundi, pas aprovimit nga FDA-ja të terapisë së parë për trajtimin e keratitit neurotrofik, kompania ka shtuar degën e San Franciskos si bazë për Dompé SHBA.

Drejtuesja e re do të koordinojë të gjitha aktivitetet e Dompésë, përfshi ato të selisë në Itali, në përputhje me qëllimin strategjik të vazhdimit të sjelljes së zgjidhjeve inovative në përgjigje të nevojave mjekësore të paplotësuara ndaj pacientëve.