Me vendim të Këshillit të Ministrave është miratuar një rregullore e re në bazë të së cilës do të funksionojë tregtimi i barnave në shërbimin farmaceutik. Në mbledhjen e datës 8 prill drafti i propozuar nga Ministria e Shëndetësisë në lidhje me këto ndryshime ka marrë miratimin e qeverisë.
Faramcist33.al u interesua në Ministrinë e Shëndetësisë në lidhje me ndryshimet që janë bërë në rregullore, pasi në faqen zyrtare të Këshillit të Ministrave nuk jepen detaje, por në Ministrinë e linjës thonë se rregullorja e re do të bëhet publike sapo ajo të botohet në fletoren zyrtare.
Në rregulloren e re, në bazë të të cilës do të funksionojë shërbimi farmaceutik shqiptar, mësohet se janë bërë ndryshime në bazë dhe të disa propozimeve të bëra nga Agjencia Kombëtare e Barnave.
Më poshtë vendimi:
Me vend Qeveria ka miratuar MIRATIMIN E RREGULLORES PËR DHËNIEN E AUTORIZIMIT TË TREGTIMIT TË BARNAVE E TË KLASIFIKIMIT TË TYRE NË REPUBLIKËN E SHQIPËRISË
Në mbështetje të nenit 100 të Kushtetutës dhe të neneve 11, pika 5, e 12, pika 3, të ligjit nr.105/2014, "Për barnat dhe shërbimin farmaceutik", me propozimin e ministrit të Shëndetësisë, Këshilli i Ministrave
V E N D O S I:
Miratimin e rregullores për dhënien e autorizimit të tregtimit të barnave e të klasifikimit të tyre në Republikën e Shqipërisë, sipas tekstit bashkëlidhur këtij vendimi.
Ky vendim hyn në fuqi pas botimit në "Fletoren zyrtare".