Përmirësimi i simptomave të ankthit me vaj esencial kamomili te pacientët me sindromën koronare akute

tags: PLACEBO, STUDIM, aromaterapi, Sindroma Koronare Akute, vaji i susamit

Artikuj lidhur

27-03-2024 | Suplementi koenzima Q10. Ndikimi në efektet negative të statinave

11-03-2024 | Prebiotikët. Marrja e tyre përmirëson funksionin cerebral te moshat 60 vjeç e lart

20-02-2024 | Migrena. Suplementi palmitoylethanolamide (PEA) redukton ashpërsinë e simptomave, kohëzgjatjen dhe përdorimin e barnave

Pacientët me Sindromën Koronare Akute (ACS) shfaqin shpesh nivele të larta ankthi, të cilat, herë pas here, mund të shkaktojnë paqëndrueshmëri të treguesve hemodinamikë, rrezik të shtuar për ishemi, infarkt të miokardit dhe cilësi të dobët jetese. Aromaterapia ka treguar tashmë se mund të ndikojë në nivelet e ankthit të pacientëve dhe në përmirësimin e treguesve hemodinamikë. Një studim klinik i randomizuar ka verifikuar efikasitetin e aromaterapisë mbi ankthin dhe treguesit e saj hemodinamikë te pacientët me ACS.

Në studim janë regjistruar 154 pacientë me ACS. Pjesëmarrësit u ndanë në dy grupe, në grupin e ndërhyrjes dhe në grupin placebo, për t'iu nënshtruar më pas një versioni të shkurtuar të pyetësorit Spielberger dhe një vlerësimi të treguesve hemodinamikë. Për dy net rresht, grupi i ndërhyrjes mori 7 pika nga vaji esencial i kamomilit (10%), ndërsa grupi i placebos mori 7 pika nga vaji i susamit, të hedhura në një tufë pambuku steril. Treguesit hemodinamikë u mblodhën gjysmë ore para, një dhe katër orë pas ndërhyrjes deri në mëngjesin pasues. Pyetësori Spielberger u kompilua një herë përpara ndërhyrjes dhe një herë pas përfundimit të saj, përmes një interviste të kryer nga studiuesi. Frekuenca kardiake (FC) u numërua për 60 sekonda të plota. Më pas, studiuesi mati presionin e gjakut (BP) të të gjithë pjesëmarrësve. Rezultatet e vlerësimit statistikor të parametrave të matur treguan rezultate dukshëm më të ulëta të ankthit, si dhe presionin sistolik (SBP), presionin diastolik të gjakut (DBP) dhe HR në grupin e ndërhyrjes, krahasuar me ata në grupin placebo (P <0.001). Ulja e nivelit të ankthit në grupet e ndërhyrjes dhe placebo ishte përkatësisht: [5.2 ± 1.9] dhe [1 ± 1.18]. Në grupin e ndërhyrjes, SBP dhe DBP pas ndërhyrjes ishin domethënëse (P <0.05). Për më tepër, HR ishte domethënëse (P <0.001) pas ndërhyrjes.

Prandaj, autorët arritën në përfundimin se trajtimi i aromaterapisë me vaj esencial të kamomilit është efektiv në reduktimin e ndryshimeve hemodinamike të shkaktuara nga ankthi te pacientët me sindromën koronare akute.

BMC Complement Med Ther. 2024 Jan 3;24(1):17.