shk172023
Shtyhet me dy vite koncesioni i pullave fiskale të barnave
Në Kuvendin e Shqipërisë është diskutuar së fundi projektligji që parashikon shtyrjen me 2 vjet të kontratës së koncesionit të pullave fiskale dhe uljen 10% të tarifës.
"Synojmë të reduktojmë monopolet në buxhetin e shtetit dhe të rikthejmë shërbimet për popullin", ka deklaruar ministrja e Financave dhe Ekonomisë, Delina Ibrahimaj në seancën plenare për shqyrtimin e projektligjit që parashikon shtyrjen e kontratës së koncesionit të pullave fiskale me 2 vjet dhe uljen e tarifës me 10%.
Kontrata koncesionare kishte si afat përfundimtar datën 6 shkurt 2023, por, sipas një marrëveshjeje mes qeverisë dhe kompanive koncesionare "Sicpa Security Solutions" dhe "Sicpa Security Solutions Albania", kontrata është shtyrë deri në vitin 2024.
Qëllimi i kontratës është evitimi i arbitrazhit, për shkak të mosrealizimit të njërës prej pikave të kontratës për vendosjen e pullave fiskale te barnat.
Vendosja e pullave fiskale te barnat 8 vite më parë nuk është pranuar për shkak të çmimit të ofruar nga kompania koncesionare, i cili ishte 5 herë më i lartë.
Livia Durra