pri242019
Tërhiqen lote të Losartanit. FDA: rrezik për papastërti kancerogjene
Tërhiqen 36 lote të Losartanit potassium dhe 68 lote të Losartanit potassium hidroklortiazid, me rrezik papastërtish kancerogjene.
Është zgjeruar numri i loteve të Losartanit potassium dhe të Losartanit potassium hidroklortiazid, që kanë qenë subjekt i tërheqjes në territorin e SHBA-së. Këtë e ka bërë të njohur Torrent Pharmaceutical Limited, në një njoftim të publikuar nga Administrata Amerikane e Ushqimit dhe e Barnave. Tërheqja e barnave me bazë sartanesh, siç ka ndodhur në muajt e fundit për specialitete të tjera të së njëjtës kategori, është i motivuar nga prania e mundshme e papastërtive kancerogjene.
Papastërtia e zbuluar në lote (lista dhe numrat e identifikimit janë vënë në dispozicion në faqen e internetit të FDA-së) është acidi nitroz butirik N-metil (NMBA), që në disa raste gjendet në përbërësin aktiv Api, në përqendrime më të larta se vlerat e pranueshme për konsumin ditor. Tërheqja përfshin 36 grupe të tabletave të Losartanit potassium dhe 68 grupeve të tabletave të Losartanit potassium hidroklortiazid. Torrent Pharmaceuticals Limited saktëson se në momentin e zgjerimit të tërheqjes, nuk janë sinjalizuar efekte të kundërta.
Përdorur kryesisht në trajtimin e hipertensionit (Losartani përdoret në trajtimin e pacientëve hipertensivë me hipertrofinë e majtë ventrikulare dhe për trajtimin e nefropatisë në pacientët diabetikë të tipit 2), barnat e bazuara në sartane kanë qenë kohët e fundit subjekt i tërheqjeve të shumta.
FDA-ja u kujton pacientëve që trajtohen me Losartan potassium ose Losartan potassium hidroklortiazid, të mos e ndërpresin terapinë, pasi rreziku i dëmeve mbi shëndetin mund të jetë më i lartë nëse trajtimi ndalet menjëherë pa identifikuar një trajtim alternativ nga mjeku kurues.