pri192019
Depresioni post partum. FDA-ja aprovon medikamentin e parë specifik
Administrata Amerikane e Ushqimit dhe e Barnave (FDA), ka aprovuar barin e parë specifik për trajtimin e depresionit pas lindjes. Bëhet fjalë për një medikament që merret në rrugë intravenoze dhe që do të jetë i disponueshëm vetëm nëpërmjet një programi të kufizuar që parashikon administrimin vetëm nga ana e një operatori shëndetësor, në brendësi të një strukture të certifikuar", specifikon FDA-ja në një shënim. Bëhet fjalë për medikamentin brexanolone (me emër tregtar: Zulresso) dhe menaxhimi i tij nuk do të jetë i lehtë: do të merret si një infuzion intravenoz i vazhdueshëm për 60 orë me radhë (dy ditë e gjysmë). Për shkak të rrezikut të dëmeve të rënda që mund të shkaktohen nga humbja e papritur e vetëdijes, pacientet duhet të monitorohen vazhdimisht, mbi të gjitha gjatë kohës që kalojnë me fëmijën e tyre.
"Depresioni post partum, nënvizon Tiffany Farchione (drejtore e brendshme e sektorit të produkteve psikiatrike, në Qendrën e Vlerësimit dhe Kërkimit mbi Barnat në FDA), është një gjendje që mund të jetë e rrezikshme për jetën. Gratë mund të kenë mendime të dëmshme për veten dhe madje të arrijnë deri aty sa të lëndojnë fëmijën e tyre. Kemi provuar për të parën herë një bar specifikisht të aprovuar për trajtimin e depresionit post partum, duke ofruar kështu një opsion të ri të rëndësishëm për trajtimin e tij".
"Për shkak të rreziqeve të rënda, mes të cilave edhe efekti i një sedacioni të tepruar apo i humbjes së papritur të vetëdijes gjatë administrimit, vazhdon eksperti, bari është aprovuar duke ndjekur strategji vlerësimi dhe zbutjeje të rrezikut dhe është i disponueshëm për pacientet vetëm nëpërmjet një programi shpërndarjeje të kufizuar pranë strukturave shëndetësore të certifikuara, pasi pacientja duhet të jetë nën monitorimin e kujdesshëm të operatorit shëndetësor".