Një rishikim i disa studimeve klinike, i sapo publikuar në revistën "JAMA Internal Medicine" sugjeron se vitamina D nuk shërben për të ulur presionin e gjakut dhe nuk duhet përdorur si anti-hipertensiv. Prej kohësh është nënvizuar fakti se mungesa e vitaminës D është shpesh e pranishme te ata që vuajnë nga hipertensioni. Por studimet me në qendër vitaminën D kanë sjellë përfundime kontradiktore mbi efektet kardiovaskulare që shkakton kjo vitaminë, duke u bërë shkas për një kuadër konfuz të përdorimit të saj më këtë aspekt.
Për të saktësuar efektet e kësaj vitamine në shëndetin kardiovaskular, Universiteti i Dundee në Skoci ka analizuar të dhënat e 73 studimeve për një total prej 7.633 pjesëmarrësish, duke mos gjetur asnjë efekt mbi presionin sistolik dhe diastolik të vitaminës D. Edhe njerëzit me nivele optimale të vitaminës D (të cilët ekspozoheshin në diell dhe konsumonin rregullisht qumësht, lëng portokalli, vezë, ton etj.), nëse vuanin nga hipertensioni, nuk rezultonin të ishin të mbrojtur nga suplementimi me vitaminë D.