qer282019
Rënia e dëshirës te gratë. FDA-ja i hap rrugën barit që vepron mbi receptorët e trurit
Enti amerikan për kontrollin e barnave, FDA, ka ndezur dritën jeshile për Vyleesi-n, që vepron kundër rënies së dëshirës te gratë në premenopauzë. Trajtimi, thuhet në deklaratën e ndërmarrjes prodhuese, Palatin technologies, është i destinuar për pacientet me dëshirë të ulët seksuale dhe me stres pasues, të cilët nuk lidhen me gjendje të tjera mjekësore apo psikologjike.
Bari, principi aktiv i të cilit është bremelanotide, vepron mbi disa receptorë cerebralë që janë të përfshirë në dëshirën seksuale dhe merret nëpërmjet një vetinjektimi në bark, të paktën 45 minuta para nisjes së aktivitetit seksual, ndërkohë që FDA-ja nuk e këshillon përdorimin për më shumë se tetë herë në muaj. Në analizat klinike, 25% e grave që e kanë përdorur, kanë shprehur një shtim prej të paktën 1,2 pikësh në një shkallë nga 1 në 6 të libidos, që është arritur në fakt, nga 17% e atyre që kanë marrë placebo.
Ky është trajtimi i dytë i aprovuar nga FDA-ja për këtë problem, ndërkohë që i pari, i quajtur Addyi, duhet të merret çdo ditë dhe nuk mund të merret me alkool. "Rreth 6 milionë gra plotësojnë kriteret për çrregullimin hipoaktiv të dëshirës seksuale, thotë shënimi. Sensibilizimi i pacientit dhe të kuptuarit e problemit mbeten të ulëta dhe pak gra kërkojnë ose marrin trajtim".