shk262019
Farmaceutikë. Roche blen kompaninë amerikane të specializuar në terapitë gjenetike
Pas disa thashethemeve të shfaqura në shtyp, Roche konfirmon blerjen e Spark Therapeutics, një kompani amerikane e specializuar në terapitë gjenetike. Gjigandi farmaceutik zviceran ka ofruar 114,50 dollarë për aksion, shumë që përfaqëson një vlerë prej rreth 122% të vlerës së aksioneve të Spark-ut, me mbylljen e Nasdaq-ut të premten, më 22 shkurt.
Kështu, Spark Therapeutics vlerësohet me 4.3 miliardë dollarë.
Në një shënim, Roche thekson se bordet e drejtorëve të dy kompanive e kanë miratuar njëzëri transaksionin. Njoftimi i blerjes së Spark Therapeutics nga ana e Roche-së, konfirmon thashethemet që qarkullonin në shtyp: "Wall Street Journal" kishte hamendësuar të shtunën se do të bëhej një transaksion prej 5 miliardë dollarësh dhe kishte treguar se shumëkombëshja zvicerane nuk ishte e vetmja e interesuar për shoqërinë amerikane.