shk42019
Brexit pa marrëveshje. Industria jep alarmin. Shërbimi Shëndetësor nis të krijojë rezerva
Më pak se 60 ditë para afatit përfundimtar të 29 Marsit për daljen nga BE-ja, industria britanike paralajmëron edhe një herë për rrezikun e mungesës së marrëveshjeve, pasi marrëveshja me BE-në u refuzua nga Westminsteri. Frika bazohet në efektet që do të ketë mbi prodhimin, investimet dhe vendet e punës, të shprehura në veçanti nga kompanitë në sektorin e automobilave dhe në atë të barnave. Për shembull, Johnson & Johnson, një ndër ofruesit e shërbimeve shëndetësore britanike, po ndërton rezerva të mëdha të furnizimeve mjekësore me rëndësi jetësore në Britani, për t'u përgatitur për më të keqen.
Veçanërisht, shqetësuese, në të vërtetë, janë pasojat që mund të ketë mungesa e mundshme e marrëveshjeve në mundësitë e prokurimit të barnave dhe pajisjeve mjekësore në territor, veçanërisht në situata që kërkojnë kohë veçanërisht të shpejta të dorëzimit.
Siç raportojnë disa agjenci, kompania shumëkombëshe, qendra e shpërndarjes së të cilës ndodhet në Belgjikë, bën të ditur se "po përgatitet një skenar në të cilin mungojnë marrëveshjet prej më shumë se një viti tashmë. Ne po bëjmë gjithë çfarë mundemi për të parashikuar të ardhmen, duke patur si përparësi nevojat e pacientëve, konsumatorëve, profesionistëve të shëndetit dhe punonjësve tanë. Situatat të cilave u trembemi më shumë janë ato të emergjencës, siç janë atentatet apo epidemitë, të cilat kërkojnë dorëzime në kohë shumë të shkurtër".
Edhe organet drejtuese të vetë Shërbimit Shëndetësor Kombëtar Britanik po verifikojnë statusin e rezervave të pajisjeve mjekësore-shëndetësore, duke siguruar që "në Evropë askush nuk ka interes të bllokojë dërgesat e produkteve të tilla".