shk12017
EMA: Dienogest/etinilestradiol mund të përdoret për trajtimin e akneve, pasi trajtime të tjera kanë dështuar
Agjencia Evropiane e Barnave (EMA) ka rekomanduar që barnat të cilat përmbajnë kombinimin dienogest 2 mg dhe etinilestradiol 0.03 mg mund të përdoren për trajtimin e akneve të moderuara, nëse trajtimet topike apo antibiotikët oralë janë treguar jo-efikasë. Megjithatë këto barna, që janë aprovuar edhe si kontarceptivë hormonalë, duhet të përdoren vetëm te gratë që kanë zgjedhur të përdorin kontracepsionin oral.
Pasi vlerësoi të dhënat ekzistuese mbi efikasitetin e kombinimit në trajtimin e akneve, Komiteti i Produkteve Mjekësore për Përdorim Njerëzor (CHMP) ka dalë në përfundimin se ka prova të mjaftueshme në mbështetje të përdorimit të tij mbi aknet e moderuara. Sa i takon riskut për efekte anësore, CHMP ka konsideruar se të dhënat e disponueshme nuk tregojnë evidenca të tjera për sigurinë në krahasim me ato që njihen tashmë. Risku i njohur për tromboembolizmëm venoz (TEV apo formimi i koagulave të gjakut në vena) që lidhet me përdorimin e të gjithë kontraceptivëve oralë të kombinuar, konsiderohet i ulët. Megjithatë të dhënat mbi riskun për TEV nga përdorimi i dienogest/etinilestradiol nuk mjaftojnë për të kryer një krahasim të saktë me kontraceptivët e tjerë dhe priten të dhëna të tjera për këtë.
Duke marrë në konsideratë përfitimet kundër akneve nga kombinimi dienogest/etinilestradiol, si dhe riskun potencial për tromboembolizëm venoz bashkë me llojin e patologjisë, CHMP doli në përfundimin se ky kombinim duhet të përdoret vetëm pasi trajtime të tjera të kenë dështuar dhe vetëm kur pacientja ka zgjedhur të përdorë kontracepsioin oral.
CHMP rekomandon gjithashtu që gratë të ri-vizitohen nga mjeku i tyre 3-6 muaj pas fillimit të trajtimit dhe pas kësaj periodikisht për të rivlerësuar nevojën e vazhdimit të trajtimit ose jo./AIFA