FDA aprovon teste gjenetike të personalizuara

tags: test, Screening onkologjik

Artikuj lidhur

07-02-2022 | Covid-19. Studiohet testi i shpejtë i frymëmarrjes. Ja, si funksionon dhe për kë është i dobishëm

10-12-2021 | Covid-19. Testi i ri përmirëson trajtimin e pacientëve në terapinë intensive. Ja, si funksionon

04-05-2021 | Tamponi nazofaringeal. Nëse nuk kryhet si duhet, mund të ndodhin komplikacione. Ja, se cilat

Kompania amerikane "23andMe" ka lajmëruar hedhjen në treg të testeve gjenetike, të cilat konsumatorët mund t'i kryejnë në kushte shtëpie për të kuptuar nëse janë bartës të gjeneve të lidhura me 36 sëmundje të ndryshme. Kjo kompani në vitin 2013 kishte marrë nga Administrata e Barnave dhe Ushqimit në Shtetet e Bashkuara kërkesën për pezullim të shitjeve të "Personal Genome Service" për mungesë provash të mjaftueshme shkencore. Por shërbimi i lançuar së fundi është një hap i rëndësishëm për kompaninë që ofron një gamë të gjerë testesh gjenetike për të zbuluar predispozita të mundshme për tumore në gji ose në vezore, apo patologji të caktuara kardiake dhe sëmundjen e Alzheimerit. Në një komunikatë "23andMe" pohon se është duke punuar me FDA-në për aprovimin e testeve, ashtu si dhe të disa ekzaminimeve gjenetike në gjendje për të përcaktuar përgjigjen e një pacienti për barna specifike.
"Testet për riskun e trashëgimit të tumorit në gji ose në vezore janë tashmë në dispozicion në vende të tjera si Britani e Madhe, Kanada dhe Suedi", shpjegon në një intervistë të Anne Wojcicki, bashkëthemeluese dhe drejtuese ekzekutive e "23andMe".
Shërbimi i ri do t'i lejojë kujtdo që dëshiron të konstatojë, praninë e varianteve të veta gjenetike të lidhura me kushte të transmetueshme si anemitë falci-forme, sëmundjen Tay-Sachs, beta-talaseminë dhe fibrozën cistike, duke ofruar informacione jo-mjekësore edhe mbi aspekte somatike si qukat ose flokët kaçurrela, si dhe intolerancën ndaj laktozës.
Me koston e 199 dollarëve, shërbimi ofrohet për qytetarët rreth 8 muaj pas aprovimit nga FDA të një testi gjenetik screening për sindromën Bloom, një çrregullim që shkakton staturë të ulët dhe predispozitë ndaj kancerit.
American College of Medical Genetics (Acmg) është e dyzuar mbi diagnostikimin gjenetik të bërë vetë. "Duam që konsumatorët të njohin se interpretimi i testeve gjenetike është i komplikuar dhe se gjenetistët duhet të përfshihen për të qartësuar rezultatet", pohon presidenti i ACMG, Gerald Feldman, i cili nënvizon se tani për tani edhe pse FDA i ka kërkuar 23andMe të lajmërojë konsumatorët që t'i drejtohen një mjeku gjenetist, asnjë nuk është i detyruar që ta bëjë. "Mendojmë se për të pasur ide të qarta mbi ekzaminimet e tyre pasi t'i kenë marrë rezultatet, pacientët duhet të përfshijnë profesionistët e certifikuar", përfundon Feldman.