Varikocelat: prezantimi, diagnoza, trajtimi

Prezantimi
Varikocela paraqitet si një grup venash të fryra dhe të prekshme (variçe venoze) të cilat ngjajnë me një qese krimbash mbi testikul. Në 85% të rasteve varikocela gjendet në testikulin e majtë. Në këtë anë në fakt, vena testikulare përfundon në venën renale e cila është pa valvul anti-refluks dhe që rezulton më shpesh e kompromentuar duke ndërhyrë me rrjedhën e rregullt të gjakut nga skrotumi.

Simptoma dhe diagnoza
Në pjesën më të madhe të rasteve varikocela është asimptomatike sepse përhapja e venave është e lehtë. Kur manifestohet karakterizohet nga një ndjesi rëndese ose një dhimbje të lokalizuar në testikul, mbi të gjitha pas ushtrimeve fizike, në raportin seksual, në mungesë të lëvizjes për një kohë të gjatë ose kur bën vapë. Diagnoza shpesh rastësore arrihet me një ekzaminim objektiv të testikujve dhe një ekografi të skrotumit e nevojshme për të përjashtuar shkaqe të tjera që mund të motivojnë ënjtjen e testikujve, të tilla si përdredhja e testikulit, orkitisi, epididimiti dhe tumori. 

Trajtimi
Venat e përhapura të varikocelës shkaktojnë një rritje me pak gradë të temperaturës së skrotiumit duke ndërhyrë në prodhimin e spermatozoteve dhe të spermës. Prandaj një nga pasojat e mundshme është dëmi në funksionin testikular duke ndikuar në fertilitetin e mashkullit. 40% e burrave që vuajnë nga steriliteti kanë varikocelën, por në mungesë të çrregullimeve nuk është e nevojshme të trajtohet. Ndërsa kur përfaqësojnë një faktor risku për funksionin riprodhues mund të jetë e domosdoshme të vlerësohet nevoja për ta korrigjuar me një ndërhyrje kirugjikale specifike për të bllokuar venat testikulare të përhapura dhe për të detyruar gjakun venoz të kalojë në një rrugë alternative.       

Pyetje esenciale

Nga cila anë manifestohet me shpesh varikocela?
Është gjithnjë simptomatike?
Cilat janë pasojat e varikocelës?