shk282017
Skopolamina butilbromide parenterale, risqe të rënda për kardiopatët
Administrimi intramuskular apo endovenoz i skopolaminës butilbromide mund të sjellë një risk të lartë për efekte anësore te pacientët kardiopatë. Lajmi është komunikuar nga Medicines and Healthcare products Regulatory Agency (MHRA), agjencia rregullatore britanike e cila ka vendosur të përditësojë fletën ilustruese të barit për të sinjalizuar këtë mundësi dhe ku përmend masat që duhen marrë për një përdorim sa më të sigurt. Skopolamina butilbromide është një derivat alkaloid, antagonist i acetilcolinës me aktivitet antimuskarinik, i indikuar për trajtimin e spazmave të dhimbshme në traktin gastro-intestinal dhe në aparatin gjenito-urinar, si dhe gjatë ekzaminimeve diagnostike.
Si efekte të padëshiruara pas administrimit parenteral janë sinjalizuar takikardia, hipotensioni dhe anafilaksia, kryesisht te pacientët që vuajnë nga zemra. Vendimi i MHRA mbështetet në zbulimin e vdekjeve të reja nga infarkti i miokardit apo arresti kardiak të lidhura me një reaksion të rëndë nga përdorimi i këtij bari. Duke mbajtur kundërindikimin për administrimin e solucionit të injektueshëm të skopolaminës butilbromide në prani të takikardisë, MHRA iu këshillon profesionistëve të shëndetësisë që në rast përdorimi intravenoz apo intramuskular të monitorohen me shumë vëmendje pacientët kardiopatë duke pasur gjithnjë në dispozicion pajisje dhe kite për reanimimin kardiovaskular.
Përse i intereson farmacistit: ndonëse është një formulim që përshkruhet nga mjeku, është mirë të siguroheni që pacientët kardiopatë të jenë të informuar mbi riskun e përdorimit të këtij bari.