nën32021
Shëndeti i foshnjave. 80% e studimeve mbi qumështin artificial, mund të jenë mashtruese
Studimet mbi qumështin me formulë kanë shumë të ngjarë të jenë jo të besueshme pasi autorët pothuajse gjithmonë raportojnë përfundime të favorshme, mungesë transparence dhe rezultatet përshkruhen në mënyrë selektive. Ky është, përmbledhtazi, bilanci i dobët përfundimtar i një metaanalize të botuar së fundmi në British Medical Journal, me nënshkrues të parë Bartosz Helfer, studiues në Institutin Kombëtar të Zemrës dhe Mushkërive, Imperial College, Londër.
"Këto rezultate nënvizojnë nevojën për një ndryshim thelbësor në mbrojtje të konsumatorëve nga dëmtimi dhe nga informacioni mashtrues", shkruajnë autorët, duke kujtuar se qumështi artificial konsumohet nga shumica e foshnjave evropiane dhe të Amerikës së Veriut dhe se formulimet e reja duhet të testohen në studime klinike specifike të cilat, ndër të tjera, duke pasur parasysh përfundimet pothuajse gjithmonë të favorshme, mund të ndërveprojnë tek ushqyerja me gji. Për t'u thelluar mbi këtë temë, një ekip ndërkombëtar studiuesish vlerësoi rrezikun e anshmërisë duke kryer një analizë të detajuar të 125 studimeve të botuara që nga viti 2015, që krahasuan të paktën dy produkte qumështi për foshnjat në një numër të përgjithshëm prej 23,757 fëmijësh nën moshën tre vjeç. Duke vepruar kështu, ata zbuluan se vetëm 14% e studimeve janë bërë në mënyrë të pavarur nga kompanitë prodhuese të formulave, vetëm 21% janë bërë në mënyrë perspektive me një qëllim të qartë dhe vetëm 9% kishin një protokoll të publikuar. Anasjelltas, 80% e studimeve kishin një rrezik të lartë mosbesueshmërie për shkak të përjashtimit jo të duhur të pjesëmarrësve nga analiza dhe përzgjedhjeve selektive për të anashkaluar çdo rezultat negativ ose të padëshiruar.
Së fundi, në mbi 90% të rasteve, autorët arritën në përfundime të favorshme. "Industria është përfshirë ngushtë në studimet e formulimeve të reja të qumështit artificial dhe këto rezultate sugjerojnë një rrezik serioz të mosbesueshmërisë, i cili mund të mos ofrojë mbrojtjen e duhur si për pjesëmarrësit, ashtu edhe për konsumatorët e ardhshëm. Prandaj, nevojiten ndryshime thelbësore në zhvillimin e tyre", përfundon Helferi.
BMJ 2021. Doi: 10.1136/bmj.n2202
https://doi.org/10.1136/bmj.n2202
Public Health Nutrition 2021. Doi: 10.1017/S1368980021003451
https://doi.org/10.1017/S1368980021003451