sht82020
Vaksina Covid-19. Në SHBA, zhvillohet eksperimentimi klinik Sanofi-GSK: 1 milion doza në vitin 2021
Sanofi dhe GSK kanë filluar fazën 1/2 të provës klinike për vaksinën e tyre Covid-19 e cila do të përfshijë 440 të rritur të shëndetshëm në 11 vende të SHBA-së.
Sanofi dhe GSK-ja kanë filluar eksperimentimin klinik të fazës 1/2 për vaksinën e tyre Covid-19. Studimi me përzgjedhje rastësore do të përfshijë një numër të përgjithshëm prej 440 të rriturish të shëndetshëm në 11 vende në Shtetet e Bashkuara. Kompanitë "janë të angazhuara për të siguruar rezultatet e para që në fillim të dhjetorit 2020, për një fillim më tej të eksperimentimit të fazës 3. Nëse të dhënat janë të mjaftueshme për aplikimin e licencës, plani parashikon kërkesën për miratimin normativ, në gjysmën e parë të vitit 2021", thekson Sanofi në një shënim. Në linjë të parë të prodhimit do të jetë impianti italian Anagni, i cili do të jetë i pari në Evropë që fillon prodhimin e vaksinës. Kompanitë janë të gatshme të prodhojnë deri në 1 miliard doza në vitin 2021.
"Nisja zyrtare e eksperimentimit klinik shënon një tjetër pikë të rëndësishme të lidhur me betejën globale kundër pandemisë Covid-19. Një progres që domosdoshmërisht kalon përmes punës në ekip dhe nga bashkimi i aftësive transversale të vëna në dispozicion në një faktor të përbashkët. Nga ana tjetër, sfidat e reja të lidhura me parandalimin në shëndetësi kalojnë nëpër aleanca midis të gjithë lojtarëve në zinxhirin e furnizimit", nënvizoi Mario Merlo, menaxheri i përgjithshëm i Sanofi Pasteur. Fabrika e Anagnit, së bashku me Francën dhe Gjermaninë, do të jetë një nga katër ndërmarrjet e përfshira në prodhimin e dozave të vaksinës.