17 farmaci nuk do të rilidhin kontratat me FSDKSH në qarkun e Tiranës

Artikuj lidhur

08-09-2020 | FSDKSH. Ndërrohet sërish drejtuesi

25-06-2019 | Tregu farmaceutik rrezikon furnizimin me barna. Importuesit dhe distributorët nuk pranojnë të firmosin kontratë me FSDKSH-në

21-01-2019 | Farmacitë nuk janë rimbursuar për katër muaj. Në fundjavë nis rimbursimi për tetorin dhe nëntorin

Pas vendimit të Gjykatës Administrative të Apelit ku Fondit të Detyrueshëm të Kujdesit Shëndetësor iu dha të drejtë në të gjitha pikat e kontratës, përfshirë edhe atë të distancës prej jo më pak se 20 metrash nga institucionet shëndetësore publike, 17 farmaci nuk e kanë rilidhur më kontratën me fondin për vitin 2016.

Farmacist33.al kontaktoi me drejtoren e Fondit Rajonal Të Tiranës, zj.Luzhiana Abazi, për të mësuar mbi farmacitë që për vitin 2016 nuk do të mund të tregtojnë më barna me rimburism.

"Gjithsej u protokolluan 276 kërkesa, nga të cilat u saktësuan lëvizjet me drejtorinë e Kamëz /Vorë.10 farmaci nuk kanë bërë kërkesë për të rilidhur kontratën për vitin 2016 .Ndërkohë që 7 farmacive nuk iu rilidh kontrata për shkak të distancës së afërt me institucionet shëndetësore publike,e parashikuar në kontratën e re", shprehet drejtorja Abazi.

Ndërkohë në Drejtorinë e Përgjithshme të FSDKSH është duke u grumbulluar informacioni në lidhje me numrin total të farmacive që nuk mund të rilidhin kontratat për vitin 2016 në të gjithë territorin e vendit.

Alma Demiraj