kor42016
Dermatiti atopik, perspektivë e re trajtimi me dupilumab
Perspektiva të reja për format e rënda e të moderuara të dermatitit atopik duket se vijnë nga dupilumab, një antitrup monoklonal njerëzor që funksionon duke bllokuar interleukinën 4 dhe interleukinën13, dy ndërmjetësues thelbësorë në patogjenezën e kësaj patologjie. Edhe pse shfaqet shpesh në fëmijërinë e hershme, në rreth gjysmën e rasteve dermatiti atopik mund të vazhdojë në moshë të rritur. Madje nga një studim i fundit i koordinuar nga Giancarlo Pesce nga Universiteti i Veronës, del se njësoj si te të rriturit rreth 60% e rasteve është me shfaqje të re dhe jo një problem i shfaqur në fëmijëri.
Kërkimi italian dokumenton gjithashtu se si prevalenca e dermatitit atopik në moshë të rritur është me 8.1%. Efikasiteti i dupilumab te pacientët e rritur është dokumentuar në dy studime të fazës 3 kundrejt placebos (studime SOLO1 dhe SOLO2), mes tyre identike, ku janë përfshirë 1.379 subjekte që nuk rezultonin të kontrolluar në mënyrë të përshtatshme nga terapia topike në veprim. Ndryshimi i sëmundjes është vlerësuar nëpërmjet rezultateve IGA (Investigator's Global Assessment), një shkallë prej 5 pikësh, nga 0 (mungesë lezionesh) në 4 (ashpërsi maksimale). Pacientët të cilët që në rekrutim kishin rezultate IGA 3 ose 4, u caktuan në mënyrë rastësore që të merrnin një dozë të parë dupilumab prej 600 mg nën lëkurë dhe me pas nga 300 mg një herë në javë ose nga 300 mg çdo 2 javë për një periudhë prej 16 javësh, ndërsa grupi tjetër do të merrte placebo.
Në fund të 16 javëve të trajtimit ishte e mundur të arrihej në dy studime një eliminim i manifestimeve në lëkurë (në pikët IGA 0 ose 1) respektivisht në 37% dhe 36% të atyre që kishin marrë terapi njëjavore dhe në 38% dhe 36% të atyre që kishin marrë barin çdo dy javë, kundrejt 10% dhe 8.5% të atyre në grupin e placebos.
Nën dritën e rezultateve të arritura Sanofi dhe Regeneron Pharmaceuticals, të dyja kompanitë që po zhvillojnë antitrupin e ri monoklonal, parashikojnë t'ia ofrojnë FDA-së për aprovim gjatë tremujorit të tretë të këtij viti. Për Shtetet e Bashkuara përfaqëson terapinë e parë sistemike për pacientët me dermatit atopik të rëndë për të cilin aktualisht në Evropë përdoren përgjithësisht imunosupresorë si ciclosporina, azatiprina apo methotrexate.