Ndoshta një mollë në ditë nuk ju mban larg mjekut, por të paktën shërben për të reduktuar përshkrimet mjekësore. Sipas një artikulli të publikuar në revistën"Jama internal medicine", konsumi i mollëve lidhet me reduktimin e përdorimit barnave dhe këtë e vërteton një studim i Matthew Davis nga "University of Michigan". Autori bashkë me kolegët analizoi të dhënat e sondazhit "National health and nutrition examination surve" për vitet 2007-2008 dhe 2009-2010.
Studiuesit krahasuan të dhënat e konsumatorëve të rregullt të mbi 150 gr mollëve në ditë, me ata që nuk i hanin. "Nga 8.399 pjesëmarrës në sondazh që përfunduan pyetësorin dietik, 9% konsumonte mollë ndërsa 91% nuk e bënte", pohon Davis. Duke parë vizitat mjekësore të të dy grupeve, u vu re se ata që konsumonin mollë kishin shmangur në një përqindje të madhe përshkrimin e barnave. "Kuptohen ata që hanë mollë duke numëruar recetat e tyre", pohon Davis duke nënvizuar se ndonëse mollët nuk të heqin qafe mjekun, mund të të ndihmojnë me farmacistin në këtë drejtim.