qer182014

Vaji esencial i mentes piperita për sindromin e intestinit të irrituar

IBS karakterizohet nga simptomat kronike ose përsëritëse që ndikojnë në intestin. Vaji esencial i mentes piperita (OM) është një qetësues i mirë falë efektit spazmolitik të mentolit, me kushtin që të jetë përgatitur në formë gastroprotektore për të lejuar konsumin oral.Sindromi i intestinit të irrituar (IBS) është një çrregullim funksional që karakterizohet nga simptoma kronike ose përsëritëse që ndikojnë në intestin. Pacientët ankohen për dhimbje, fryrje abdominale, çrregullime të jashtëqitjes. Shkaqet e IBS mund të jenë të ndryshme, duke nisur nga anomali të thjeshta intestinale si lëvizshmëria (peristaltika) intestinale, deri në stresin psiko-social. Nga pikpamja epidemiologjike raportohet një incidencë midis 17 dhe 22%. Aktualisht ka një trajtim për IBS. Trajtimet simptomatike të tanishme përqafojnë si mjekimet farmakologjike  (opioide për diarrenë, antidepresivë me dozë të ulët dhe antispastikë për dhimbjen) dhe terapitë plotësuese (hipnoterapi , psikoterapi, agopunturë, fitoterapi). Ndër mjekimet natyrale, vaji esencial i mentes peperita (OM) përfundimisht ka treguar rezultatet më inkurajuese . Efektiviteti i OM vjen si pasojë e efektit spazmolitik të mentolit i cili vepron si agonist ndaj termoreceptorit vaniloid TRPM8, i përshkueshëm nga jonet e kalciumit. Megjithatë mentoli pasi merret, përthithet, nxirret shpejt. Kështu një rol të rëndësishëm luan forma farmaceutike e përdorur. Në treg ekzistojnë preparate të ndryshme të OM, zakonisht në formën e kapsulave gastro - rezistente. Mbrojtja gastrike është një metodë e varur nga pH, e dobishme për të minimizuar veprimet irrituese të OM në mukozën e gastroezofagut . Megjithatë për OM është i nevojshëm një lëshim i brëndshëm apo më mirë akoma kolon-specifik. Një drug delivery i tillë është i realizueshëm në farmaci falë teknikës galenike, duke shfrytëzuar ndryshim e pH midis pjesëve të ndryshme të traktit gastrointestinal. Është e nevojshme të zhyten kapsulat në një solucion organik (izopropanol - açeton) mbajtës i 2 polimerëve të acidit metakrilik-metilmetakrilato (Eugragit S dhe L) në përqendrime të ndryshme, të tilla për të arritur një pH të shpërbërjes midis vlerës  6 dhe 7. Hapi  i dytë konsiston në inkapsulimin e vajit që gjëndet në formë të lëngshme. Për ta bërë këtë ajo reduktohet me ndihmën e silicit të mikronizuar (Aerosil 200) në një pluhur mjaft të lëvizshëm që mund ta futim në kapsula. Duhet të sigurohemi nga fletët udhëzuese që OM e blerë përmban të paktën 50% mentol. Doza e OM e nevojshme për efektin terapeutik duhet të jetë midis 200 mg dhe 400 mg të cilat merren tre herë në ditë. Kundërindikacionet ndikojnë në pacientët me sëmundje hepatobiliare dhe refluks ezofageal.