nën112021
Covid-19. Franca rekomandon mospërdorimin e vaksinës Moderna nën moshën 30 vjeç
Autoriteti i Lartë Francez i Shëndetësisë ka rekomanduar mospërdorimin e vaksinës Moderna (Spikevax) te personat nën të tridhjetat, as në vaksinimin parësor dhe as për përforcuesin e mundshëm. Ky vendim bazohet veçanërisht në ekzistencën e një rreziku të miokarditit dhe perikarditit me vaksinat mRNA, veçanërisht te fëmijët dhe që, sipas disa studimeve, do të ishte më i madh me vaksinën Moderna, sesa me atë Pfizer.
HAS-i specifikon se "ky rrezik duket rreth 5 herë më i ulët për vaksinën Comirnaty, krahasuar me vaksinën Spikevax (100 µg) në grupmoshat që variojnë nga 12 deri në 29 vjeç, grupmosha te të cilat, tejkalimi i rasteve për milion është më i lartë: 131.6 për milion me Modernën, kundrejt 26.7 me Pfizer-in. Këto raste ndodhën kryesisht brenda 7 ditëve nga vaksinimi dhe më shpesh pas dozës së dytë, te meshkujt nën 30 vjeç. "HAS-i, gjithashtu, e ka përjashtuar Spikevax-in nga doza përforcuese në subjektet nën 30 vjeç, duke marrë parasysh ndjekjen e pamjaftueshme të rrezikut për miokardit, me vaksinën e përdorur në gjysmë dozë (50 mg) për shkak të grumbullimit të kufizuar të të dhënave. Përkundrazi, te subjektet mbi 30 vjeç, HAS-i rekomandoi vaksinën Spikevax, efikasiteti vaksinal i së cilës duket pak më i mirë, si për vaksinimin parësor (në një dozë të plotë prej 100 μg), ashtu edhe për administrimin e përforcuesit në gjysmë dozë (50 µg). Së fundi, autoriteti shëndetësor francez nënvizoi rëndësinë e vaksinimit për kategoritë në fjalë dhe jo për popullatën e përgjithshme, "duke pasur parasysh të dhënat ende të kufizuara mbi pasojat e një rënieje të efikasitetit me kalimin e kohës te të rriturit e rinj, megjithëse ka të ngjarë që do të jetë e nevojshme më tej".
Ndërkohë, EMA ka nisur vlerësimin e aplikimit të paraqitur nga Moderna për përdorimin e vaksinës së saj kundër Covid Spikevax, për fëmijët nga mosha 6 deri në 11 vjeç. Normalisht, Agjencia Evropiane e Barnave përfundon vlerësimin e saj brenda dy muajve nga paraqitja e aplikimit, por, siç kujton EMA, kohët e procedurës varen gjithmonë nga të dhënat e paraqitura nga ata që aplikojnë për autorizim. Pasi të bëhet e ditur se EMA ka ndezur dritën jeshile për përdorimin e vaksinës Moderna për fëmijët, ajo duhet të marrë dritën jeshile përfundimtare nga Komisioni Evropian.
https://www.has-sante.fr/jcms/p_3297260/fr/covid-19-la-has-precise-la-place-de-spikevax-dans-la-strategie-vaccinale