Importimi paralel i barnave: AIFA publikon procedurën e thjeshtuar

Artikuj lidhur

13-07-2021 | Artriti reumatoid. AIFA: indikacione të reja mbi përdorimin e tofacitinibit

23-02-2021 | Barnat anti-Covid-19. Ja, si ka ndryshuar kërkesa para dhe gjatë pandemisë në Itali. Të dhënat që vijnë nga AIFA

25-01-2021 | Barna që priten në vitin 2021. AIFA: 83 barna të reja presin mendimin e EMA-s

Agjencia Italiane e Barnave ka publikuar në portalin e saj institucional procedurën e thjeshtuar të negocimit të çmimit dhe të rimbursimit të barnave nga importimi paralel.
Procedura e re, e përshtatur në koherencë me legjislacionin aktual, ndjek në mënyrë novatore uljen e kostove në Itali për këtë kategori barnash, me përfshirjen e automatizimeve të mundshme në përcaktimin e çmimeve dhe një ulje drastike të kohës së nevojshme për përfundimin e procedurës së rimbursimit.

Publikimi, aktualisht i vetmi në llojin e tij, ka si qëllim të dyfishtë plotësimin e një mungese informacioni në lidhje me aspektet që nganjëherë janë pak të njohura dhe nisjen e reflektimit mbi një fenomen të konsideruar si niçe, por me ndikim të mundshëm si në Shërbimin Shëndetësor Kombëtar, ashtu edhe te qytetarët.

Për këtë qëllim, janë krijuar madje kritere unike dhe transparente për një negocim të thjeshtuar, që synon favorizimin e kontrollit të çmimeve dhe arritjen e një uljeje të menjëhershme të shpenzimeve që janë barrë e Sistemit Kombëtar Shëndetësor dhe qytetarëve.

Procedura e re do të diskutohet gjatë prezantimit të Raportit të parë OsMed mbi importin paralel dhe eksportin e produkteve mjekësore për përdorim njerëzor, të planifikuar për të martën, më 30 mars, në orën 10.00. Prezantimi do të transmetohet në kanalin e AIFA-s në YouTube.
Lidhja mund të bëhet përmes linqeve përkatëse në Youtube dhe në Linkedin.

Burimi: AIFA