tet162020
Coronavirusi. Moderna: vaksina jonë, e përshtatshme për regjistrimin në EMA
Kompania bioteknologjike Moderna në SHBA ka nisur procedurat për regjistrimin e vaksinës së saj kandidate anti-Covid në Agjencinë Evropiane të Barnave (EMA). Kompania thotë në një shënim se ka marrë konfirmim nga EMA se vaksina mRna-1273 është e përshtatshme për paraqitjen e një aplikacioni për autorizimin e marketingut në Bashkimin Evropian, sipas procedurës së centralizuar të Agjencisë.
Në Evropë, kompania po punon me partnerët e saj strategjikë, Swiss Lonza dhe kompaninë spanjolle Rovi, për prodhimin dhe mbushjen e vaksinës. Ky është një zinxhir furnizimi i dedikuar për të mbështetur kërkesat e Evropës dhe vendeve jashtë Shteteve të Bashkuara që lidhin marrëveshje blerjeje me Modernën. Që nga 9 tetori, studimi i Fazës 3 Cove kishte regjistruar rreth 28,618 pjesëmarrës, me më shumë se 22,194 që kishin marrë tashmë vaksinimin e dytë.
"Jemi të kënaqur me ndërveprimet e frytshme me autoritetet rregullatore evropiane në nivel kombëtar dhe në nivelin e EMA-s, të kryera deri më sot dhe i vlerësojmë udhëzimet e tyre të paçmueshme dhe besimin që kanë treguar ndaj Modernës, për prezantimin e aplikimit të autorizimit të marketingut për aprovim në Evropë të vaksinës sonë eksperimentale për Covid-19", tha Stéphane Bancel, CEO i Moderna. "Moderna po e rrit kapacitetin e saj global të prodhimit në mënyrë që të arrijë të japë 500 milionë doza në vit dhe mundësisht, duke filluar nga viti 2021, deri në 1 miliard doza në vit".