kor92020
Covid-19. Marrëveshje mes Italisë, Francës, Gjermanisë dhe Holandës për prodhimin e vaksinave në BE
Italia, Franca, Gjermania dhe Holanda, në përpjekje për të ruajtur prodhimin në Evropë, kanë nënshkruar një marrëveshje me kompaninë anglo-suedeze AstraZeneca për prodhimin e një vaksine që do të luftojë infeksionin Covid-19. Marrëveshja që bashkon kompaninë biofarmaceutike AstraZeneca dhe katër nga vendet më të rëndësishme në BE (Itali, Francë, Gjermani dhe Holandë) quhet "Inclusive Vaccines Alliance (IVA)" dhe forcon jo vetëm pozicionin e saj negociues në garën për një vaksinë për të luftuar pandeminë e coronavirusit, por edhe e bën prodhimin e saj në Evropë.
Sipas asaj që raporton agjencia Reuters, IVA është mbështetur në vaksinën eksperimentale të AstraZeneca-s, e cila në këtë moment është akoma në zhvillim dhe eksperimentim klinik nga Universiteti i Oksfordit. Ajo do të sigurojë edhe për të 27 vendet e Bashkimit Europian 400 milionë doza duke nisur nga fundi i vitit 2020, me një tavan maksimal investimesh prej 750 milionë eurosh. Studiuesit e AstraZeneca-s kanë filluar një eksperimentim klinik në shkallë të gjerë, në të cilin vaksina do të testohet mbi 10,000 njerëz. Ndërkohë, po zhvillohet një test i mëtejshëm me 30,000 pjesëmarrës. Pascal Soriot, CEO i AstraZeneca-s, tha: "Kjo marrëveshje do t'u garantojë qindra miliona evropianëve qasje në vaksinat e Universitetit të Oksfordit pas përfundimit të eksperimentimit. Me zinxhirin tonë të furnizimit evropian, i cili pritet të fillojë prodhimin së shpejti, shpresojmë që vaksina të vihet në dispozicion shpejt dhe gjerësisht. Unë do të doja të falënderoja qeveritë e Gjermanisë, Francës, Italisë dhe Holandës për angazhimin e tyre dhe reagimin e shpejtë".
Shtetet e tjera anëtare mund të bashkohen në aleancë dhe ish-koordinatori spanjoll i urgjencës shëndetësore Fernando Simon tha se ka të ngjarë që së shpejti, edhe Spanja t'u bashkohet katër qeverive të tjera në këtë marrëveshje. Nëse vaksina merr aprovimin e autoriteteve rregullatore të BE-së, Catalenti (furnizuesi global i logjistikës, prodhimit të barnave, produkteve biologjike, terapive gjenike dhe produkteve shëndetësore) do të jetë përgjegjës për prodhimin në objektin e saj Anagni në Itali, duke filluar nga gushti i vitit 2020. Marrëveshja me AstraZeneca-n vjen në një vijë me fillimin e strategjisë së vaksinimit të Komisionit Evropian muajin e kaluar, i cili ngriti një fond me vlerë 2.4 miliardë euro të dedikuara për blerjen e vaksinave eksperimentale kundër infeksionit nga Covid-19.
Cristoforo Zervos