mar202020

AIFA saktëson: Përdorimi i umifenovirit në COVID-19 nuk është i autorizuar. Evidenca të dobëta shkencore mbi dobinë

Artikuj lidhur

23-02-2021 | Barnat anti-Covid-19. Ja, si ka ndryshuar kërkesa para dhe gjatë pandemisë në Itali. Të dhënat që vijnë nga AIFA

30-11-2020 | Terapitë Covid, AIFA: Përditësime për remdesivirin, heparinën dhe hidroksiklorokinën

08-05-2020 | Coronavirusi. AIFA autorizon katër eksperimente të tjera klinike. Ja, barnat që do të studiohen

Agjencia Italiane e Barnave specifikon sa vijon në lidhje me përdorimin e produktit mjekësor me bazë umifenovirin, në trajtimin e sëmundjes COVID-19.

Umifenoviri (emri tregtar: Arbidol) është një antiviral që tregtohet në Rusi për parandalimin dhe trajtimin e infeksioneve nga virusi i gripit A dhe B. Umifenoviri nuk është i autorizuar, as në Evropë, as në Shtetet e Bashkuara.

Edhe pse në Kinë, gjatë epidemisë COVID-19, umifenoviri është përdorur te disa pacientë, i kombinuar me trajtime të tjera farmakologjike, të dhënat në dispozicion janë të pakta, me cilësi jo të lartë shkencore dhe të marra nga një numër shumë i vogël pacientësh.

Për këtë arsye, aktualisht, nuk ekzistojnë prova të mjaftueshme shkencore për të mbështetur efikasitetin e umifenovirit në trajtimin e sëmundjes COVID-19, ose në parandalimin e infeksionit SARS-CoV-2 dhe as përdorimin e tij për zëvendësimin e trajtimeve të tjera, të cilat janë vënë në dispozicion në Itali për pacientët e prekur nga COVID-19.

Burimi: AIFA