shk112020
Bari për migrenën. FDA-ja aprovon terapinë e re anti-Cgrp
Indikohet për të ndërhyrë në fazën akute të migrenës, me apo pa aura, por jo në parandalimin e sulmeve, bari i ri, ubrogepant (Ubrelvy) i aprovuar nga Administrata Amerikane e Ushqimit dhe e Barnave (FDA).
Bëhet fjalë për një terapi për të rritur, në formë tabletash dhe është bari i parë i klasës së antagonistëve oralë të receptorit peptid, i lidhur me gjenin e kalcitoninës (Cgrp), i aprovuar për trajtimin akut të migrenës.
FDA-ja saktëson se nuk indikohet për trajtimin parandalues të migrenës. Efikasiteti i ubrogepantit për trajtimin akut të migrenës, raporton AIFA- në një shënim ku bën të njohur aprovimin amerikan, "është demonstruar në dy studime me përzgjedhje rastësore, dyfish të verbër, të kontrolluar me placebo. Në këto studime, 1.439 pacientë të rritur me një histori të migrenës, me dhe pa aura, morën doza të aprovuara të Ubrelvy-t për të trajtuar migrenën që ishte në vazhdim.
Në të dyja studimet, përqindja e pacientëve që, dy orë pas trajtimit, arritën çlirimin nga dhimbja (e përcaktuar si reduktim i ashpërsisë së dhimbjes së kokës nga dhimbja e moderuar ose e fortë, deri në pa dhimbje) dhe ndërprerja e simptomës më të bezdisshme (nauze, ndjeshmëri ndaj dritës ose ndaj tingullit) ishin dukshëm më të larta mes pacientëve të trajtuar me Ubrelvy në të gjitha dozat, sesa ata që morën placebo. Efektet anësore më të zakonshme të raportuara nga pacientët në studimet klinike ishin nauze, lodhje dhe tharje goje".