Farmaci

jan132020

Miratimi i barnave. EMA: 66 trajtime të reja të autorizuara në vitin 2019

Në vitin 2019, Agjencia Europiane e Barnave (EMA) autorizoi 66 barna, nga të cilat, 30 përmbanin një substancë të re aktive dhe 7 ishin produkte jetime, që nuk ishin aprovuar kurrë më parë në Bashkimin Europian.
Organi rregullator ka dhënë katër opinione negative dhe ka patur gjithashtu 12 tërheqje të kërkesës për autorizim nga vetë kompanitë farmaceutike. Këto janë të dhënat që dalin nga dokumenti "Human medicines highlights", i shpërndarë nga organi rregullator europian.

Fushat terapeutike me ndryshime të mëdha ishin hematologjia, sëmundjet infektive, onkologjia, neurologjia, endokrinologjia. Vetëm një hap është bërë përpara për vaksinat, me miratimin e produktit kundër ebolës.

Pasi një bar autorizohet nga Komisioni Evropian dhe u përshkruhet pacientëve, theksohet në një shënim, EMA dhe vendet anëtare të BE-së monitorojnë vazhdimisht profilin e tij përfitim-rrezik dhe ndërmarrin veprime rregullatore, kur është e nevojshme, për ta balancuar atë: masat e mundshme variojnë nga modifikimi i informacioneve të produktit, deri te ndërprerja e shpërndarjes së një bari ose tërheqja e një numri të kufizuar të loteve të tij.


Download Center

separa
Principi e Pratica Clinica
Lista e barnave të rimbursueshme 2015
shkoni në download >>
separa
Principi e Pratica Clinica
VENDIME TË KËSHILLIT TË MINISTRAVE
shkoni në download >>
separa

OTC