nën72019
Vaksina e re për tuberkulozin, efikase dhe e sigurt në parandalimin afatgjatë
Një vaksinë eksperimentale kundër Mycobacterium tuberculosis ka rezultuar efektive në mbrojtjen e thuajse 50% të të rriturve të prekur nga përparimi drejt tuberkulozit pulmonar për të paktën tre vjet, sipas rezultateve të një studimi të botuar në "New England Journal of Medicine". Medikamenti që është në eksperimentim, i quajtur M72/AS01E, është zhvilluar nga GlaxoSmithKline.
"Tuberkulozi mbetet vrasësi kryesor mes sëmundjeve infektive dhe Organizata Botërore e Shëndetësisë (OBSH) ka deklaruar se vaksinat e reja kundër kësaj patologjie duhet të jenë së paku 50% efektive për të paktën dy vjet kundër tuberkulozit të konfirmuar bakteriologjikisht", shpjegon Dereck Taiti (IAVI: International AIDS Vaccine Initiative), i cili ka udhëhequr grupin e punës. "Një studim i mëparshëm i fazës 2b, i kontrolluar me placebo, tregoi se M72/AS01E ishte 54% efektiv pas rreth dy vjetësh, në parandalimin e tuberkulozit aktiv te të rriturit HIV-negativë, me infeksione nga M. tuberculosis latent", kujton ai.
Në këtë analizë të fundit të studimit, studiuesit vendosën për përcaktimin e efikasitetit, sigurisë dhe imunogjenitetit të M72/AS01E pas tre vjetësh. Për të arritur këtë qëllim, ata rekrutuan midis gushtit 2014 dhe nëntorit 2015, të rritur të infektuar me M. tubercolosis të moshës 18-50 vjeç në disa qendra në Kenia, Afrikën e Jugut e Zambia dhe i përzgjodhën ata në mënyrë rastësore për të marrë dy doza të M72/AS01E ose placebo, të administruara në distancë njëmujore mes tyre. Pjesëmarrësit u ndoqën për tre vjet pas dozës së dytë. Analizat treguan se 13 nga 1,626 pjesëmarrës në krahun studimor M72/AS01E shfaqën një tuberkuloz që përmbushte përkufizimin e rastit të parë, krahasuar me 26 nga 1,663 pjesëmarrës në grupin e placebos, me një incidencë pra të barabartë me 0.3 raste, krahasuar me 0.6 raste për 100 vite/njerëz. Efikasiteti i vaksinës në muajin 36 ka rezultuar 49.7% dhe, midis pjesëmarrësve që morën M72/AS01E, përqendrimet e antitrupave specifikë për M72 dhe prania e qelizave T CD4+ specifike për M72 u rritën pas dozës së parë dhe janë ruajtur gjatë gjithë periudhës së ndjekjes.
N Engl J Med. 2019. doi: 10.1056/NEJMoa1909953
https://www.ncbi.nlm.nih.gov/pubmed/31661198