kor272018

Pilula 72 orëshe e urgjencës, për herë të parë, futet në listën e barnave OTC

Artikuj lidhur

24-05-2023 | Alergjitë sezonale. Këshillat e farmacistit për barnat OTC dhe metodat jofarmakologjike

22-03-2023 | Opioidet kundër dhimbjes gjatë lindjes. Vlerësimi i rrezikut për të sapolindurit

11-10-2022 | Antidepresivët nuk e shtojnë rrezikun e çrregullimeve të zhvillimit gjatë shtatzënisë

Në listën e barnave që jepen pa recetën e mjekut, listë e cila u miratua vetëm para pak ditësh nga qeveria, janë futur edhe pilulat e urgjencës, që përdoren nga femrat për të parandaluar një shtatzëni të padëshiruar.

Por, mjekët gjinekologë, të pyetur nga Farmacist33, thonë se përdorimi i kësaj pilule pa rekomandimin e mjekut ka pasoja te pacientet, pasi ajo nuk duhet përdorur më shumë se 3 apo katër herë në vit.

Këto pilula kanë në përbërjen e tyre hormone të cilat nuk lejojnë ngjizjen. Por, sipas gjinekologëve, kur ato përdoren disa herë pa rekomandimin e mjekut, dëmtojnë shëndetin riprodhues te femrat. Nga ana tjetër, këto pilula, thonë mjekët, janë shumë të mira përsa i përket uljes së numrit të aborteve. Ato pihen deri në 72 orë pas marrëdhënies seksuale, kur pacientet ndodhen para faktit të një shtatzënie të padëshiruar, por janë po aq të dëmshme nëse përdoren pa kriter.

Kështu në listën e barnave OTC me 813 produkte që mund të lëshohen pa recetë këtë vit, mund të jepet nga farmacisti: norlevo, postinor dhe ella one.

Listën e barnave OTC, për vitin 2018, e gjeni këtu.

Alma Demiraj