nën212016
Levetiracetam, nga EMA rekomandime të reja për të shmangur overdozën
Agjencia Evropiane e Barnave (EMA) ka nxjerrë një njoftim mbi administrimin korrekt të solucionit oral levetiracetam, bar i indikuar si monoterapi për trajtimin e krizës epileptike me ose pa përgjithësim sekondar në të rritur dhe adoleshentë me moshë mbi 16 vjeç të diagnostikuar rishtazi dhe si trajtim shtesë i krizave me ose pa përgjithësim sekondar te fëmijët me moshë mbi 1 muaj.
Ndërhyrja e atuoriteteve europiane është bërë e domosdoshme pas sinjalizmit të rasteve të ndryshme të overdozës në pacientë me moshë 6 muaj - 11 vjeç, në terapi me këtë antiepileptik në solucion oral. Popullata pediatrike karakterizohet nga grupmosha të ndryshme, nga të porsalindurit te adoleshentët, kështu që dozimi i të njëjtit bar mund të variojë ndjeshëm dhe përgatitja e dozës mund të bëhet burim gabimesh. Zakonisht sasia përllogaritet për njësi të peshës trupore dhe moshës, duke privilegjuar formën e lëngshme të barnave te pacientët më të vegjël.
Levetiracetam është i disponueshëm në përqendrime prej 100 mg/ml në konfeksione mes 150 - 300 ml, të ofruara në shiringa dozuese prej 1, 3 dhe 10 ml. Pjesa më e madhe e rasteve të overdozës të sinjalizuara te EMA është verifikuar nga një gabim në administrimin e shiringave 10 ml në vend të asaj 1 mililitërshe duke e mbidozuar 10 herë barin, ose nga gabime lidhur me përllogaritjen e dozës. Overdoza e levetiracetam mund të shkaktojë pagjumësi, ankth vështirësi në frymëmarrje dhe koma. Për të shmangur gabimet EMA këshillon të përdoren ekskluzivisht shiringat e ofruara bashkë me barin, gjithashtu është vendosur se ngjyra të ndryshme do të përdoren për të dalluar qartë vëllimin e shishes që përmban barin me atë të shiringës dhe intervalin e moshës së fëmijës për të cilin indikohet. Blu për konfeksionet 150 ml në shiringa prej 1 ml, jeshile për ato 150 ml në shiringa prej 3 ml, portokalli për ato 300 ml në shiringë 10 ml. Bileta ilustruese do të përmbajë edhe udhëzime më të qarta për prindërit dhe operatorët e shëndetësisë në mënyrë që të caktojë një masë korrekte të dozës, me indikimin për të eliminuar shiringën kur përfundon bari. Komiteti për Produktet Mjekësore për Përdorim Njerëzor (Chmp), përgjegjës i masës është organi i ngarkuar për të respektuar këto rekomandime të kompanisë prodhuese.