tet212016

Publikohen në Jama udhëzuesit e rinj për menaxhimin e akneve

Artikuj lidhur

12-03-2024 | Aknet. Trajtimet dhe terapitë e përditshme. Strategjitë e farmacistit në mbështetje të pacientit

01-08-2023 | Aknet vulgaris dhe terapitë më efektive. Të dhëna të reja nga një metaanalizë

10-01-2023 | Celiakia rrit rrezikun për psoriazë

Udhëzuesit e rinj për menaxhimin e Acne vulgaris janë realizuar nga një grup pune i Akademisë Amerikane të Dermatologjisë (AAD), që ka zhvilluar një rishikim sistemik të literaturës aktuale duke ngritur një sërë rekomandimesh klinike mbështetur në evidenca dhe në rastin e provave të padisponueshme, jo koherente e të pamjaftueshme, mbështetur në opinionin e ekspertëve.

"Suksesi  në menaxhimin e akneve varet nga vlerësimi i kujdesshëm i morfologjisë së tyre dhe zhvillimi i  një regjimi të përshtatshëm trajtimi", shpjegon Carly Roman nga Universiteti i Çikagos dhe autore e artikullit të publikuar në "Jama", e cila liston rekomandimet kryesore të AAD.

Retinoidet topike (komponenti thelbësor i terapisë topike për aknet) rekomandohen në monoterapi për aknet komedonike me antimikrobikë, për përdorim topik ose oral në pacientë me akne të përziera ose inflamatore. Peroksidi i benzoilit është një trajtim topik efikas i akneve.

Terapia antibiotike topike (klindamicina ose eritromicina) këshillohet vetëm në kombinim me peroksid benzoili. Terapia antibiotike sistemike rekomandohet për menaxhimin e akneve inflamatore të moderuara dhe të rënda rezistente ndaj trajtimeve topike. 

Përdorimi i antibiotikëve sistemikë duhet të kufizohet për një kohë sa më të shkurtër të mundshme, në përgjithësi 3 muaj.

Kontraceptivët oralë të kombinuar janë efikasë në trajtimin e akneve inflamatore te vajzat dhe gratë.

Isotretinoina orale rekomandohet për trajtimin e akneve nodulare të rënda, akneve të moderuara ose akneve që krijojnë shqetësim psiko-social.

Jama. 2016 Oct 4. doi: 10.1001/jama.2016.11842
https://www.ncbi.nlm.nih.gov/pubmed/27701644