mar92016
Barnat e reja kundër hepatitit C falsifikohen në juglindje të Azisë, OBSH kërkon rritje të vigjilencës
Fenomeni i falsifikimit përbën një kapërcim të rrezikshëm të cilësisë së barnave dhe nuk është fjala vetëm për barnat për disfunksionet erektile apo anabolike, por edhe ato novatore si për hepatitin C për shembull, të gjetura në juglindje të Azisë. Në një komunikatë, Organizata Botërore e Shëndetësisë, iu kërkon të gjitha autoriteteve rregullatore kombëtare vëmendje maksimale dhe vigjilencë mbi këto produkte specifike, si dhe mbi zinxhirët e furnizimit në vendet që mund të preken më lehtë nga trafiku i produkteve të falsifikuara. Një aktivitet i tillë duhet të përfshijë spitale, klinika, farmaci dhe çdo furnizues tjetër produktesh mjekësore.
Duke pasur parasysh sinjalizimet më të fundit, produktet e identifikuara si të falsifikuara janë dy "medikamente" të përdorura për trajtimi e hepatitit C që bëjnë pjesë në listën e barnave esenciale OBSH-së: Sofosbuvir 400mg + Ledipasvir 90mg dhe Daclatasvir 60mg, të nxjerra në shitje me emra të ndryshëm tregtarë. Në shkurt 2016, OBSH njoftoi se ishte sinjalizuar nga një OJQ lokale që vepronte në Mianmar e cila kishte identifikuar versionin e falsifikuar të medikamenteve me emrat Ledso e Dakavir, dy produkte që raportonin si prodhues "Pharco Corporation" me bazë Aleksandrinë e Egjiptit. Në "Drug alert" të OBSH-së janë raportuar edhe fotot e konfeksioneve të dy produkteve të falsifikuara.
"Pharco Corporation" deklaron se nuk prodhon barna që përmbajnë kombinimin Sofosbuvir 400mg + Ledipasvir 90mg, se nuk prodhon asnjë produkt me emrin Ledso apo Dakavir dhe se aktualisht nuk prodhon Daclatasvir 60mg". Ndonëse nuk janë sinjalizuar efekte anësore të rënda që i atribuohen produkteve të identifikuara, OBSH rekomandon personat që tashmë i kanë blerë të mos i përdorin dhe për ata që i kanë marrë e kanë pasur efekte anësore duhet t'i drejtohen menjëherë një profesionisti të shëndetësisë të kualifikuar për të raportuar episodin te autoritetet shëndetësore dhe rregullatore dhe qendrës lokale të farmakovigjlencës.