Komiteti i Barnave për Përdorim Njerëzor (CHMP) i Agjencisë Evropiane të Barnave (EMA) ka dhënë opinion pozitiv për aprovimin e edoxaban-it për parandalimin e iktusit dhe embolizmit sitemik te pacientët e rritur me fibrilacion atrial dhe trajtimin e parandalimin e trombozës venoze të thellë dhe embolisë pulmonare.
Edoxaban është një agjent antitrombotik, një inhibitor i kthyeshëm, i drejtpërdrejtë dhe shumë selektiv i faktorit Xa. Aktiviteti i pengimit në kaskadën e koagulimit redukton formimin e trombinave, zgjat kohën e koagulimit dhe redukton riskun e formimit të trombeve. Përfitimet e produktit konsistojnë në kapacitetin e tij për të reduktuar riskun e kombinuar të iktusit me eventet embolike sistemike te pacientët e prekur nga fibrilacioni atrial jo valvular dhe për të trajtuar e reduktuar riskun e rishfaqjes së tromboembolisë venoze simptomatike te pacientët që shfaqin tromboza venoze të thella simptomatike dhe emboli pulmonare.
Efektet anësore më të zakonshme për edoxabanin janë gjakrrjedhje nga lëkura dhe indet e buta (deri në 5.9%), epistaxis (deri në 4.7%) dhe hemorragji vaginale. Eventet hemorragjike mund të jenë të rënda madje edhe fatale. Efekte të tjera anësore janë anemia, skuqje e lëkurës dhe çrregullim i funksioneve të mëlçisë.